Ji bilî PDK`ê hemû alî piştgirîya Tewtîna mûçeyan li bankên Federal dikin

PUKMEDIA

Tewtîna Mûçeyan

Yekîtiya Niştimaniya Kurdistan`ê (YNK) bi cihkirina mûçeyên karmendan bi riya Tewtîn di bankên federal de û dûrxistina wan ji nakokiyên siyasî, hewl dide mafên fermanberên herêmê garantî bike, di heman demê de ku Hikûmeta Herêma Kurdistan`ê hîna jî li ser pirsa tewtînkirina mûçeyên fermanberan dereng dixe û tekez dike ku (Hijmara Min) ji bo hindek partî û kesayetên bi bandor, û ji bo berjewendiya hin bankên taybet kar dike.

Nûnerên Fraksyona Kurdistanî û Êraqî tekez kirin ku projeya Hijmara Min wek cîbicîkirina biryara Dadgeha Federalî nayê dîtin, ji ber wê jî pêwîst e Tewtîna mûçean li bankên federal were danîn.

Biryara Dadgeha Federal ya dawî ye û ji bo her kesî ye

Herêm Kemal Axa; Serokê Fraksyona Yekîtîya Niştimaniya Kurdistan`ê (YNK)  li Civata Nûnerên Êraq`ê di daxuyaniyekê de ji PUKMEDIA re got : Tewtîn li gor destûr û biryarên dadgeha bilind ya federalî ye, ji ber ku dadgeha federal hikûmeta federal Hikûmeta Herêma Kurdistan`ê erkdar kirine, Tewtîna mûçeyên karmendên herêmê di bankên federal de bi cih bike.

Her weha got jî: Çi aliyek nikare bi hincetên cûr b icûr Tewtînê paşve bixe, ji ber ku divê di dawiyê de ew prose bê cî bi cîkirin, ji ber ku biryara Dadgeha Bilind a Federalî ya dawiyê ye û ew yek li ser hemû desthelatdaran pabendiyek e.


Got jî: Em wek nûnerên gelê Kurd û Yekîtîya Niştimanî li Civata Nûneran, kar dikin ku proseya Tewtînê bi zûtirîn dem cî bi cî bike û liqên bankên hikûmeta federal li herêma Kurdistan`ê bên vekirin,ji ber ku Tewtîn destkeftiyek e mezin e ji bo fermanberan û mafên wan e ku projeya (Hijmara Min) red bikin û li cihê wê tewtînê pesned bikin.

Parastina projeya (Hijmara Min) karekî şermîn e

Serokê Fraksyona Yekgirtûya Îslamî ya Kurdistan`ê li Civata Nûneran Musena Emîn di kongreyeke rojnamevanî de ragihand: Biryara Dadgeha Federalî ya derbarê Tewtîna mûçeyên fermanberên Herêma Kurdistan`ê biryareke girîng û dawî ye; û divê mûçe li bankên federalî werin ku li derveyî Herêma Kurdistanê kar dikin.

Got jî: Nehiştina Tewtîn û mûçeyên fermanberan li dijî yasayê ye, û çênabe karmend bi zorê bên neçar kirin ku mûçeyên xwe di çi bankekê de bi cih bikin, belku divê azadîya bijardeya wî hebe û Tewtîn di bankên federalî de gerentiya mûçeyên fermanberan e.

Got jî: Em nizanin çima Hikûmeta Herêma Kurdistan`ê şerê ji bo projeya (Himara Min) û berjewendîya hinek bankên taybet dike û ew bankên federal pesen nakin? Biryara Dadgeha Federalî zelal e û divê karmend bankaya ku dixwaze mûçeyê xwe têde Tewtîn bike hilbijêre û ya ku Hikûmeta Herêma Kurdistan`ê bi israrkirina li ser pirojeya (Hijmara Min) dike, karekî şermê ye û çi hincet û mebesteke yasayî li ser nake.

Tewtîna biryara Dadgeha Federalî ye

Nûner Soran Omer; Serokê Fraksyona Dadwerî ya Kurdistan`ê PUKMEDIA re ragihand : Tewtîna mûçeyên karmendên Herêma Kurdistan`ê di bankên federal de biryara Dadgeha Bilind a Federal e.

Got jî: Tewtîna mûçeyan pirsgirêka paşdaxistina mûçeyên karmendan çareser dike; û ewên ku li dijî Tewtînê ne, naxwazin pirsgirêka mûçeyan bên çareser kirin.

YNK`ê daxwazên mûçexwerên Kurdistanê digihîne Sûdan û El Elaq

Di vê derbarê de, şandeke Yekîtiya Niştimaniya Kurdistan`ê YNK() digel Serokwezîrê Federalî Mihemed Şeyah Sûdanî û Serokê Banka Navendî ya Êraq`ê Dr. Elî Elaq civiya û tewra sereke ya her du civînan, şopandina cîbicîkirina biryara Dadgeha Bilind a Federal Ya Êraq`ê Bû derbarê Tewtîna mûçeyên fermanberên Herêma Kurdistan`ê.

Karwan Yarweys; Biryarderê Yekîtiya Nîştimaniya Kurdistan`ê (YNK) li Civata Nûnerên Êraq`ê di daxuyaniyekê de ji PUKMEDIA re ragihand : Em bi armanca şopandina vê mijarê bi Serokwezîrê Civata Federal Mihemed Şeyah Sûdanî re civiyan.

Karwan Yarweys; her wiha got: Me yadeştnameya Fraksyona Yekîtiya Nîştimanî Kurdistan`ê (YNK) ku bi îmzeya 138 endamên Civata  Nûneran û 4 Fraksyonên Kurdistanî jî di nav de bûn, radestî Serokwezîrê Civata Wezîran a Federalî kir ku ew yadaştname piştevaniya daxwaza mûçeyê dike ya girêdayî cîbicîkirina biryara Dadgeha Federalî; û me spasiya serokwezîr Sûdanî jî kir ku dilgiraniya wî ji bo çareserkirina pirsgirêka mûçe û pirsgirêkên din yên di navbera herêmê û navçeyê de heye.

Biryarderê Fraksyona Yekîtiya Nîştimanî (YNK) diyar kir: Em digel Serokê Banka Navendî ya Êraq`ê Dr. Elî Elaq civiyan û mijara sereke ya şopandina biryara Dadgeha Federalî ya derbarê Tewtîna mûçeyên fermanberên Herêma Kurdistan`ê bû.

PUKMEDIA