Trump serkeftina xwe ya di hilbijartinên serokatiya Amerîkayê de ragihand

AFB

Donald Trump

Trump serkeftina xwe ya di hilbijartinên serokatiya Amerîkayê de ragihandNamzedê Komarî Donald Trump roja Çarşemê ji sekoya Navenda Peymana Palm Beach li Florida ragihand ku ew di hilbijartinên serokatiya Amerîkayê de bi ser ketiye

Trump wiha got: Ez spasiya gelê Amerîkayê dikim ku ez wek serokê 47emîn hilbijartim û got me serkeftineke siyasî bi dest xist ku welatê me heta niha nebûye şahidê wê.

Trump di axavtina xwe de amaje bi wê yekê jî kir: Me îro dîrok çêkir û ev serkeftineke siyasî ye. Em ê serdema zêrîn a Amerîkayê bidin destpêkirin û aşkire kir ku ev serkeftineke siyasî ye ku welatê me berê nedîtiye, û em spasiya gelê Amerîkî dikin ji bo vê rûmetê ku min careke din wek serok hilbijart.

Trump piştî hilbijartina xwe bal kişand ser sozên xwe û got: "Em ê rewşa sînorên xwe rast bikin û me dîrok nivîsandin û gelek astengî derbas bûn.
Her wiha dewam kir: Komarparêz Encumena Pîran kontrol dikin û em ê kontrolkirina Encumena Nûneran berdewam bikin. Em ê sînoran bigrin, em dixwazin xelk bê lê bi rêyên qanûnî werin. Îro gelê Amerîkayê kontrola welatê xwe ji nû ve bi dest xistiye. Em ê şer rawestînin û dest pê nakin.

Namzedê Komarî got: Em ê Amerîkayê ji her demê baştir bikin, erk ne hêsan e, lê ji bo temamkirina vî karî ez ê hemû hêza xwe bidim, ez ê Amerîka dîsa mezin, azad û dewlemend bikim. Em ê bacên li ser gelê Amerîkayê kêm bikin. Em artêşek bihêz dixwazin, tiştê ku bi dest me de heye li Çînê nine hûn ê poşman nebin, Amerîka dê ji berê bihêztir bibe.

PUKMEDIA