Serok Komarê bi Balyozê Tirkiyeyê re mijara aramî û ewlehiyê gotûbêj dike

PUKMEDIA

Serokkomar

Birêz Serokê Komar Dr.Ebdul Letîf Cemal Reşîd îro Çarşem 6/11/2024 li Bexdayê pêşwaziya Balyozê Komara Tirkiyê li Êraqê birêz Anil Bora Înan kir.

Li hevdîtinê de têkiliyên dualî yên her du welatên dost û mekanîzmayên bihêzkirina wan û rewşa navçê û pêşketinên wê û berdewamiya destdirêjiya Sahyonî li ser Filistîn û Lubnanê hatin nirxandin.

Serok Komarê amaje bi xurtkirina têgihiştinên hevbeş û danîna diyalogê wek bingehek ji bo çareserkirina kêşeyên berçav yên di navbera her du welatên cîran de kir û tekez li ser berdewamiya erkên hevbeş ji bo bihêzkirina ewlehî û aramiyê û berdewamiya hemahengiyê bi armanca dûrxistina deverê û gelê wê ji bertekên neyînî yên berdewamiya êrîşên sahyonî .

Ji aliyê xwe ve Balyozê Tirkiyê dilgiraniya welatê xwe ji bo berfirehkirina hemahengî û hevkariyên hevbeş ligel Êraqê nîşan da û diyar kir ku, pêvajoya van peywendiyan di gelek war û waran de pêşketinên erênî dibîne.

PUKMEDIA