Rêbwar Teha: Emê ji bo xizmetkirina Kerkûk`ê berdewam bin li ser rêbaza Serok Mam Celal

PUKMEDIA

Parêzgarê Kerkûk`ê pêşwazî li şandeke YNK`ê kir

Parêzgarê Kerkûk`ê teqez kir ku karê yekem ê rêveberiya wan ew e ku kar li ser avakirina jiyanek e hevbeş û pêşkêşkirina xizmetguzariyan ji bo welatiyên parêzgeha Kerkûk`ê re bi bê cudahî bikin.

Ev yek di dema pêşwaziya parêzgarê Kerkûk`ê Rêbwar Teha li şandeke Yekîtiya Nîştimaniya Kurdistan`ê (YNK) bû ku ji endamê mekteba siyasî û berpirsê mekteba hilbijartinên Yekîtiya Nîştimaniya Kurdistan`ê Rizgar El Hac Hema û Dr. Mîran Mihemed, Walî Sabir û Letîf Nêrweyî endamên civata serkirdayetiyê pêk dihatin.

Di civînê de ku Neşat Şahwîz berpirsê Hevpeymaniya (Kerkûk, Hêz û Vîna Me Ye) li Civata Parêzgeha Kerkûk`ê jî têde amade bû, Endamên Civata Parêzgeha Dr. Ehmed Fetih û Perwîn Fetih, şanda Yekîtiya Nîştimaniya Kurdistan`ê pîrozbahiya parêzgarê Kerkûk`ê û rêveberiya parêzgehê kirin û tekez li ser berdewamiya piştevaniya xwe ji bo rêveberiya nû û Civata Parêzgeha Kerkûk`ê kirin.

Ji aliyê xwe ve Parêzgarê Kerkûk`ê Rêbwar Teha jî diyar kir ku karê wan yê yekem ew e ku hewl bidin bi hevre jiyana hevbeş pêk bînin û bi bê cudahî xizmetê ji welatiyên parêzgeha Kerkûk`ê re bikin.

Her wiha tekezî li ser berdewamiya siyaseta Serok Mam Celal ya ji bo avakirina bingehê aştî û pêkve jiyanê û xizmetkirina hemû pêkhateyan li Kerkûk`ê kir.

PUKMEDIA