Li Şarezûrê îshal û vereşîn hatin kontrolkirin

Ofîsa tenduristiyê ya Silêmaniyê

Tîmên Yekîneya Av, Laboratorî, Çavdêriya Tenduristî

Îshal û vereşîna li Şarezorê piştî çar rojan hat kontrolkirin û tenê 4-5 nexweş li nexweşxaneya Reûf Begê mane ku rewşa wan a tenduristiyê baş bûye û dê di demeke nêzîk de ji nexweşxaneyê derkevin.
Ji destpêka vê hefteyê ve li Şarezûr ji nişka ve îshal û vereşîn derketiye. Hejmara enfeksiyonan di nav çend rojan de derket 2,800 kesî.

Li gor zanyariyên PUKMEDIA yê, tenê 4-5 kes di bin dermankirinê de mane û jêderekî tendirustî li nexweşxaneyê jî ragihand: “Ji ber hejmara zêde ya nexweşan di çend rojên borî de, beşek ji nexweşan hatin dermankirin û şandin malê.

Wî jêderî got: “Hejmara tûşbûyan 2 hezar û 800 kes derbas kiriye, ji ber ku gelek nexweşên din ji aliyê xizmên xwe ve bo nexweşxaneyên Silêmaniyê hatine şandin, lê niha ti metirsî nîne û di bin kontrolê de ye.

Piştî lêkolîna lezgîn a Komîteya Bilind a Tenduristî û Lêkolînê ya li ser rewşê, derket holê ku ava vexwarinê ya herêmê bi ava kanalîzasyonê tevlîhev bûye û ji ber wê jî îshal û vereş derketine.

Wezareta Tenduristiyê ya Hikûmeta Herêma Kurdistanê bang li welatiyan kir ku depoyên avê vala bikin û êdî ji bo vexwarinê bikar neynin.
Li gorî daxuyaniya Rêveberiya Tendirustiya Silêmaniyê, tîmên yekîneya avê, laboratuar, çavdêriya tenduristiyê û nexweşiyên veguhêz ên li Rêveberiya Pêşîlêgirtina Tenduristiya Silêmaniyê di xizmeta welatiyên navçeya Şarezûr de berdewam in û ji bo ceribandina ava vexwarinê dixebitin.

PUKMEDIA