Serokwezîrê Êraqê li Hewlêrê behsa tewtînkirina mûçe dike

Kurdistan 12:32 PM - 2024-11-13

Dirvên Êraqî

Serokwezîrê Êraqê li ser mûçeyên fermanberên Herêma Kurdistanê peyamek belav kir û tê de tekezî li ser cîbicîkirina biryarên Dadgeha Bilind a Federalî li ser tewtînkirina mûçe û xerckirina mûçeyan kir, li gorî biryara Dadgeha Federal dê mûçe bi rêya bankên federal bên dayîn.

Li gorî biryara Dadgeha Federalî ya derbarê tewtînkirina mûçeyan hejmara 224-269-Fedral 2023 ku hemû karmendên Herêma Kurdistanê pêwîstî bi tewtînê dike, daxwaz kir ku mûçeyê hemû karmendên Êraqê û Herêma Kurdistanê jî ji bankên federal bê dayîn.

Ofîsa ragihandinê ya Serokwezîrê Êraqê Mihemed Şeya Sûdanî piştî serdana xwe ya Herêma Kurdistanê di daxuyaniyekê de ragihand: Serokwezîrê Êraqê tekez li ser cîbicîkirina biryarên Dadgeha Bilind a Federalî ya derbarê mûçeyên Hikûmeta Herêma Kurdistanê kir.
  

Nûnerên Yekîtî hewl didin biryara dadgeha federal bi cih bînin

 

 Endama Komîteya Darayî ya Parlamentoya Êraqê D. Narmîn Merûf ji malpera fermî ya Yekîtiya Niştimanî ya Kurdistanê re ragihand: Weke Fraksiyona YNKê li Parlamentoya Êraqê, endamên me ji bo cîbicîkirina biryara Dadgeha Federalî û tewtînkirina mûçeyên karmendan hewlên xwe berdewam dikin. Ji bo vê mebestê banka Rafîdên û Reşîd du bankên Hikûmeta Federal a Êraqê ne cihê baweriyê ne, lewma em hewl didin di zûtirîn dem de razîbûnê bi dest bixin ku şaxên van her du bankan li parêzgehên Herêma Kurdistanê vekin.

Parlamenter: Tewtîn dawî li paşxistina mûçe tîne

 

Tewtînkirina mûçe dê dawî li paşxistina mûçe bîne û emê bi hemû hêza xwe di civata nûneran de cîbicî bikin.

 Endamê Fraksiyona YNKê li Parlamentoya Êraqê D.Biryar Reşîd ji malpera fermî PUKMEDIA re ragihand; Ji destpêkê ve me hewl da ku biryara Dadgeha Federalî ya ku tê de tewtînkirina mûçeyên Hikûmeta Herêma Kurdistanê jî heye, çareser bikin.


PUKMEDIA