Şêwirmendê Serokê YNKê: Serok Bafil dê bi projeyekê ligel Serokwezîrê Êraqê bicive

Kurdistan 01:30 PM - 2024-11-13

Serok Bafil û Mihemed Şeya Sûdanî

Şêwirmendê serkirdetiya Yekîtiya Niştimanî ya Kurdistanê ragihand, mijarên sereke yên civîna Serok Bafil û Serokwezîrê Êraqê dê hilbijartin, pêkanîna kabîneya nû, serjimêriya Êraqê, bûdce û mûçeyê xelkê Herêmê be û dibe pêşxistina zêdetir pêwendiyê yekîtî û dibêje: YNKê weke hêzeke siyasî ya bibandor li Êraq û Herêma Kurdistanê projeya xwe heye.

 Serdanek girîng

 

Şêwirmendê Serokê Yekîtiya Niştimanî ya Kurdistanê Bêston Fayq ji PUKMEDIA re ragihand: Bafil Celal Talebanî dê çend dosyayên girîng ligel Serokwezîrê Federalî Mihemed Şeya El Sûdanî gotûbêj bike.

Got jî: Di civînê de dê mijarên serjimêriya giştî, mûçe, encamên hilbijartinên parlamentoya Kurdistanê û pêkanîna hikûmeta nû ya Herêma Kurdistanê bên gotûbêjkirin û serdana serokwezîr bo Silêmaniyê jî mijareke girînge, û hêz, pêgeh û giraniya Yekîtiya Niştimanî ya Kurdistanê nîşan dide.

Projeyek yekgirtî ji bo avakirina hikûmetê

 

Bêston Fayek dibêje: Yekîtiya Niştimanî ji bo çawaniya beşdarbûna di hikûmeta nû de û geşkirina Herêma Kurdistanê xwedî projeyek yekgirtî ye.
Got jî: Proje di nav xwe de, bi dawî anîna kêşeyên kevin dihewîne û Yekîtîya Niştîmanî jî xwedî nêrîneka zelal e û hemû sozên serok Bafil Celal Talebanî wê di çarçoveya pirojeya Yekîtîya Niştîmanî ya Kurdistanê de bin.

Divê mûçeyên karmendan bêne garantî kirin

 

Bîston Fayk dibêje: Serok Bafil Celal Talebanî nîgeran e ku mûçeyên karmendan careke din bibe qurbanê nekokiyên siyasî ji ber ku berê karmendan rastî birîna mûçe hatine.
Got jî: Niha serok Bafil Celal Talebanî nîgeran e ku mûçeyên karmendan careke din bi navên din bên birîn, wek pirojeya hejmara min, lewra daxwaza cîbicîkirina mûçeyên karmendan di bankên federalî de dike bo parastin û garantîkirina mûçeyên wan bi yek carî.

PUKMEDIA