Serokkomar: Divê îsrafkirina avê bê çareserkirin

PUKMEDIA

Serok li Konferansa Guhertina Avhewayê COP 29

Di çarçoveya serdana xwe de bo Bakû li baregeha konferansê de, Serokkomar gotarek pêşkêş kir û balkişand li ser girîngiya guhdana cîhanê bo jîngehê û pêwîstiya vê platformê weke derfeteke din ji bo kar û hevkarî kirina welatên cîhanê.

Serokkomar tekez kir ku Iraq welatekî dîrokî yê kevnar e, lê îro di bin bandora mezin a guherîna avhewayê de ye, ku bandorê li çavkaniyên xwezayî û civakên herêmî dike. Xerabûna avê ji ber bikaranîna rêbazên avdanê yên kevin û hewzên masî yên neqanûnî li qeraxên çeman divê bên çareserkirin.

Serok her wiha amaje bi wê yekê jî kir ku pêwîstiya pêşxistina teknolojî û rêbazên nûjen ji bo baştirkirina rêveberiya avê li welat heye.

Serokatî di axaftina xwe de got ku divê gotin veguhere tevgerê, ne tenê pêşangeh û konferans bên organîzekirin, bibe rastiyek û di pratîkê de bi cih were anîn. Wî got ku hevdîtinên bi welatên cîran re ji bo dabînkirina pişka avê ya Iraqê berdewam in û bal kişand ser berpirsiyariya mezin a Wezareta Jîngehê ya ji bo aktîvkirina mekanîzmayên hevkarî û hevahengiyê bi welatên cîran re ji bo pêşxistina rastiya jîngehê li Iraqê.

Serok di beşeke din ji axaftinên xwe de balkişand li ser wê yekê ku pêwîste civak hay ji parastina jîngehê hebe, ku ji zarokatiya xwe de dest pê dike û pêwîste were hîn kirin ku çawe parastina jîngeha xwe bikin û samanên xwe xera nekin.

Serok got: Ev quncik derfetek e ji bo pêşkêşkirina planên niştimanî yên Iraqê di warên enerjiya nûjen, birêvebirina çavkaniyên avê, parastina jîngehê û hevkariyên bihêz bi civaka navdewletî re.

Di dawiya axaftinên xwe de spasiya amadebûyan kir û daxwaz ji wan kir ku ji nêzîk ve bi projeyên Îraqê agahdar bibin û li ser rêyên kar û hevkarî kirina bo ava kirina pêşerojeke baştir bo hemû aliyan giftûgo bikin.

PUKMEDIA