Rêveberiya serjimêriya Kerkûkê bo binpêkirinan tê agahdarkirin

PUKMEDIA

Serjimêriya giştî yê nifûsê

Hin malbat li navçeyên Kurdistanî yên parêzgeha Kerkûkê rastî astengiyên tîmên serjimêrî tên, ji ber ku tenê malbatek di xaniyên ku zêdetirî malbatekê tê de hene tomar dikin û endamekî Encûmena Parêzgeha Kerkûkê jî piştrast dike ku ev yek li dijî yasayê ye û nabe ti binpêkirin bên kirin.

Endamê Encumena Parêzgeha Kerkûkê ya Yekîtiya Niştimanî ya Kurdistanê Dr. Ehmed Fetih di daxuyaniyekê de ji PUKMEDIA re ragihand: Gilî ji hejmarek welatiyan li ser serjimêriya nifûsa parêzgeha Kerkûkê bi taybetî di dukanên kurdî de gihîştine me. Di xaniyên ku ji malbatekê zêdetir tê de ne tenê malbatekê tomar dikin, ev yek bi tevahî li dijî qanûnê ye û em ê destûrê nedin.

Dr. Ehmed Fetih amaje bi wê jî kir ku: Ez bang li welatiyên Kerkûkê dikim ku her binpêkirineke bi vî rengî ji me re bibêjin, ji bo pêşîgirtina li van binpêkirinan kar bikin û proseya serjimêriya giştî bi awayekî rast û yasayî birêve biçe û mafên ti kes û pêkhateyan nayê binpêkirin.

Em li hember ti binpêkirinan bêdeng namînin û me hemû giliyên xwe gihandine Rêveberê Amarên Kerkûkê û tîmên serjimêriyê li gorî yasayan dikarin 26 malbatan di avahiyekê de tomar bikin. ji ber wê jî divê em derbarê her binpêkirin û xemsariya tîmên serjimartinê de bên agahdarkirin, daku em karibin bi lez û bez çareseriyê bikin.

Serjimêriya giştî ya nifûs û xaniyan li Êraqê di sala 2024an de yekem serjimêriya nifûsê ye li wî welatî ji sala 1997ê ve. Di 20 û 21ê vê mehê de zêdetir ji 120,000 serjimarvan li hemû navçeyên Êraqê beşdar dibin, û zêdetirî 70 pirs ji her malbatekê re têne arastekirin.


PUKMEDIA