Perwîn Fatih: Divê her kes li Kerkûk`ê ji bo serjimêriyê amade bibe

Arşîf

Perwîn Fatih Endama Civata Parêzgeha Kerkûk`ê

Yekîtiya Nîştimaniya Kurdistan`ê jûrek emeliyatan ji bo serjimêriya akinciyan li Kerkûk`ê pêk anî;endamek ya Civata Parêzgeha Kerkûk`ê jî dibêje: Em bi erkek xwe ya nîştimanî dizanin ku xelkê Kerkûk`ê di keşek aram û jîngehek guncaw de beşdarî proseya serjimêriyê bibin.

Perwîn Fatih Endama Civata Parêzgeha Kerkûk`ê ragihand, duh Mekteba Siyasî ya Yekîtiya Nîştimanî ya Kurdistan`ê (YNK) bi serokatiya Rifet Ebdula û Aso Mamend civînek li ser asta serkirdayetî û tevaya parlementer û endamên Civta Parêzgeha Kerkûk`ê  lidar xistin; û têde biryar hat dayîn ku çend jûrên emeliyatan bên dirustkirin daku têde kar bi awayekî meydanî bê kirin;û em çi wek hikûmet û çi wek YNK`ê bi erkê xwe ya nîştimanî dizanin ku Kerkûkî di keşek ya aram û jîngehek guncaw de beşdarî serjimêriyê bibin.

Got jî: Parêzgarê Kerkûk`ê ku ew bi xwe serokê komîteya serjimêriyê ye li ser asta Kerkûk`ê , hemû tedbîrên ewlekariyê li wan cihan girtiye ber, bo rêgirîkirin li wan pirsgirêkên ji bo welatiyan tê dirustkirin; ji aliyekî din ve, ji ber hatina hijmareke zêde ji xelkê Kerkûk`ê ji bo beşdariîkirin di proseya serjimêriyê de, niha barekî zêde li ser bazgehan heye lewra parêzgar rasterast çavdêriya wan xalên bazgehan dike.

Perwîn Fatih got: Xweşbextane her kes li Kerkûk`ê ji bo serjimartinê amade ye ku wê yekê weke cejnekê li Kerkûk`ê dibîne; û welatî li benda mêvanên xwe ne û xwe amade dikin; her wiha me ji bo malbatên ku ji bo beşdariya serjimêriyê vedigerin Kerkûk`ê û cihê lê bimînin cih û war dabîn kirine.

Ew endama Civata Parêzgeha Kerkûk`ê got: Ev serjimêrî ji dengdanê kêmtir nine; lewra divê bi taybetî welatiyên navçeyên veqetandî beşdarî serjimêriyê bibin ji bo cîbicîkirina madeya 140 û careke din Kurdbûna xwe biselmînin û mafên xwe bidest bixin.

PUKMEDIA