Talebanî bi heyeteke leşkerî ya Almanyayê re civiya

Ofîsa medyayî ya cîgirê serokwezîr

Talebanî & fermandarê hêzên Alman.

Cîgirê Serokwezîr Qubad Talebanî li gel şandeke leşkerî ya Almanyayê bi serokatiya Fermandarê nû yê hêzên Almanyayê li Herêma Kurdistanê Kolonel Thomas Ritter civiya. Gotûbêj li ser çaksaziya Wezareta Pêşmerge û çendîn mijarên din ên balkêş bûn.

Di civînekê de ku, roja sêşemê 19.11.2024 bi amadebûna Şoreş Îsmaîl Wezîrê Pêşmerge û Serleşker Bextiyar Mihemed Sekreterê Giştî yê Wezareta Pêşmerge hat lidarxistin, Qubad Talebanî pîrozbahî li kolonel Ritter kir ji ber destbikarbûna wî weke fermandeyê nû yê hêzên Almanyayê li Herêma Kurdistanê. Di erkê xwe de hêviya serkeftinê jê re xwest û amadeyiya xwe ya tam ji bo pêşkêşkirina her alîkarî û piştgiriya  pêwîst bo hêzên Almanî li herêmê nîşan da.

Parlamentoya Kurdistanê spasiya hikûmet û parlamentoya Almanyayê kir ku li ser dirêjkirina hebûna hêzên Almanyayê li Herêma Kurdistanê û Iraqê razî bûne. Her wiha destxweşiyê li Almanyayê kir ji bo berdewamiya hevkarî û piştgiriya Herêma Kurdistanê bi taybetî di şerê dijî terorîstan de û proseya çaksaziyê ya di nav Hêzên Pêşmerge de.

Mijareke din a sereke ya civînê jî ew bû ku rêgiriyê li proseya çaksaziyê di Wezareta Pêşmerge de dikin. Di vê derbarê de Qubad Talebanî tekez li ser wê yekê kir ku hikûmeta dahatî piştgîriyeke bihêz bo çaksaziyên di nava hêzên Pêşmerge de bide.

Her wiha di civînê de rewşa herêmê jî hate nirxandin. Di vê derbarê de Qubad Talebanî eşkere kir ku terorîst hîn metirsiyeke mezine bo ser ewlekarî û aramiya hem li Iraq û hem jî li navçeyê. Her wiha tekezî li ser pêwîstiya zêdekirina hevkarî û hemahengiya di navbera hêzên ewlehiyê yên Kurdistan û Iraqê û li gel hevpeymanan kir.

PUKMEDIA