Serokwezîr: Nifûsa Êraqê 45 milyon kes derbas dike

PUKMEDIA

Serokwezîrê Êraqê ,Mihemed Şeya Sûdanî

Serokwezîrê Êraqê encamên destpêkê yên serjimêriya giştî li Êraqê eşkere kir ku hejmara nifusê zêdetirî 45 mîlyon kes bû.

Serokwezîrê Êraqê Mihemed Şeya Sûdanî îro Duşemê 25 Mijdarê 2024, di kongireyeke rojnamevanî de encamên destpêkê yên serjimêriya giştî li Êraqê eşkire kir û got: Hejmara niştecihên Êraqê, tevî biyanî û penaberan, zêdetirî 45,2 milyon kes in. 70.3% li bajaran dijîn û 29.7% li gundan in.

Serokwezîr got jî: 22 milyon û 784 hezar û 62 kes ango 50,1% nifûsê mêr, 22 milyon û 623 hezar û 883 kes 49,8% nifûsê jin in.
Herwaha got: Salên serjimêriyê li Êraqê gelek salan hat paşxistin, hikûmeta Êraqê bi hevkariya hemû aliyên pêwendîdar di serjimêriyê de serketî bû, ku dê aboriya Êraqê geş bike.

Li gorî encamên ku serokwezîr ragihand;

- Bi giştî hejmara malbatan 7 milyon û 898 hezar û 588 malbat e

- Hejmara malan 8 milyon û 37 hezar û 221 mal e

- Hêjmara malbatê ya navîn 5,3 kes e

- Rêjeya geşekirdina nifûsa Êraqê %2.3 ye

- Rêjeya nifûsa temenê karkirinê di navbera 15 û 64 salî de %60,2 ye

- Rêjeya nifûsa di bin temenê karkirinê de kêmtirî ji 15 sale %36,1 ye

- Rêjeya nifûsa di ser temenê karkirinê 65 salî re %3,7 ye

- Nifûsa karker %60 ye

Qonaxa duyemîn a serjimariyê di 20 û 21ê Mijdara 2024an de dest pê kir û ji bo vê yekê li seranserê Êraqê qedexeya derketina derve hat ragihandin û jimarevanan hejmara niştecihên Êraqê diyar kirin û qonaxeke din a serjimariyê jî maye û ji bow ê enê pêwîst dike ku endameke malbatê hazir be û bersiva pirsyaran bide.

PUKMEDIA