Wezîrê Plandanînê: Hejmara rûniştvanên Herêma Kurdistanê zêdetirî 6 milyon kes e

PUKMEDIA

Wezîrê pilandananê yê hikûmeta Herêma Kurdistanê D.Dara Reşîd

Wezîrê Plandanînê yê Hikûmeta Herêma Kurdistanê encamên destpêkê yên serjimêriya giştî ya Herêma Kurdistanê eşkere kir û ragihand: Hejmara niştecihên Herêma Kurdistanê zêdetirî 6 milyon û 370 hezar kes e, tevî niştecihên hinek navçeyên nekok.

Wezîrê pilandananê yê hikûmeta Herêma Kurdistanê D.Dara Reşîd îro Duşemê encamên destpêkê yên serjimêriya giştî ya Herêma Kurdistana Êraqê di kogireyeke rojnamevanî de eşkere kir û got: Hejmara niştecihên Herêma Kurdistanê bi biyanî, penaber û beşek ji xelkê navçeyên nekok 6 milyon û 370 hezar û 668 kes in. herweha 84% hevwelatiyên Herêmê li bajaran û 16% li gundan dijîn.

Serokwezîr got: 3 milyon û 200 hezar û 506 kes ango 50.24% nifûsa Herêma Kurdistanê mêr in û rêjeya jinan jî 3 milyon û 170 hezar û 162 kes ango 49.76 %.
Li gor amaran ew malbatên ku mêr serpereştiyê dikin 88.41 % ne û ew malbatên ku jin serpereştiyê dikin 11.86% ne.

Li gorî encamên ku wezîrê pilandanîna Herêmê belav kiriye:

- Rêjeya nifûsa di bin temenê kar de kêntir ji 15 sal  %31,9 e

- Rêjeya nifûsa temenê kar di navbera 15 û 64 salî de %63,7 e

- Rêjeya nifûsa di ser temenê 65 salî re 4,4% e

- Bi giştî hejmara malbatan 1 milyon û 379 hezar û 163 malbat e

- Hejmara yekîneyên rûniştinê 2 milyon û 28 hezar û 937e

- Hejmara malbatê ya navîn 4,6 kes e

- Rêjeya geşekirdina nifûsê %2,48 e

Serokwezîrê Êraqê Mihemed Şeya Sûdanî îro encamên destpêkê yên serjimêriya giştî ya Êraqê eşkere kir û hemû hejmar eşkire kir.

PUKMEDIA