Serok pêşwaziya Şanderê Taybet ê Serokê Rûsyayê dike

PUKMEDIA

Serokomar û Nûnerê Taybet ê Serokê Rûsyayê

Serokomarê Iraqê Letîf Cemal Reşîd pêşwaziya Nûnerê Taybet ê Serokê Rûsyayê Vladîmîr Pûtîn ji bo Rojhilata Navîn û Afrîkayê Mîxaîl Bogdanov kir.

Di destpêka hevdîtinê de ku, roja sêşemê 26-11-2024 li Koşka Bexdayê hat lidarxistin, cenabê Serok bi rêya Bogdanov spasiya Serokê Rûsyayê kir û hêviya silametiyê û pêşkeftin û bexteweriyê ji bo gelê dostê Rûsyayê xwest.

Di hevdîtinê de peywendiyên dualî yên di navbera her du welatan de û pêşhatên navçeyî û navdewletî hatin gotûbêjkirin û her wiha pêwîstiya yekxistina hewlan bo pêkanîna aştî û aramiyê li navçeyê hate gotûbêjkirin.

Di hevdîtinê de Serokomar balkişand li ser kûrahiya peywendiyên ligel Rûsyayê ku ji 80 salan derbas bûye û got: Pêwîste ev peywendiyên han di warên enerjî, aborî, teknolojî û sermayeguzariyê de werin pêşxistin û berjewendiyên herî bilind ên her du welatên dost bidest bixin.

Ji aliyê xwe ve, nûnerê taybet ê serokê Rûsyayê tekezî li ser pêbendbûna welatê xwe bo berferehkirina asoya hevkariyên avaker li gel Iraqê li hemû astan û warên cuda de kir.

PUKMEDIA