200 sazî û navend dê beşdarî 6emîn Pêşangeha Navdewletî ya Pirtûkan li Silêmaniyê bibin

Wêneya sereke pêşengeh

6 emîn Pêşangeha Navdewletî ya Pirtûkan li Silêmaniyê

Şeşemîn Pêşangeha Navdewletî ya Pirtûkan a Silêmaniyê di 28-11-2024an de bi beşdariya 200 sazî û navendên herêmî bê vekirin.Dê 11 roj berdewam bike û bi deh hezaran sernav dê bêne pêşandan.Rêveberê Çap û Weşanên Silêmaniyê dibêje: "Pêşangeha îsal cuda ye."

Rêveberê Ragihandin û Çapemeniya Silêmaniyê Arîwan Sîweylî ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand: ‘’ Pêşangeha Navdewletî ya Pirtûkan a Silêmaniyê di 28-11-2024an de bê vekirin û heta 8-12-2024 an ,dê 11 rojan berdewam bike.Dê bi deh hezaran sernav bên pêşandan, 200 sazî û navend û welat dê beşdar bibin.’’

“Di pêşangehê de wê dîroka nivîskarî, rojnamegerî û şoreşa nû were nîşandan ji a YNKê ya  şoreşê û hejmara pirtûk, nivîskar û weşanên çiyan bêne pêşandan, nêzîkî (1000) navên cuda yên pirtûkan , di nav kovaran de pirtûkên desteya ragihandinê ya YNKê, desteya hişyarî, navenda lêkolînê, navenda karûbarên yasayî , saziya Serok Celal Talebanî û her wiha berhemên çalakvanên YNKê û bîranînên siyasetmedarên şoreşa nû hene.”

Wî zêde kir:“Di pêşangehê de dê çend panel di warên cuda yên wêjeyî de bên pêşkêşkirin û em pêşbînî dikin ku hejmara serdana pêşangehê û firotina pirtûkan li gorî salên borî zêdetir bibe û bandorê li ser hejmara xwendevanan bike.’’

Rêveberê Ragihandin û Çapemeniya Silêmaniyê got: ‘’Şeşemîn Pêşangeha Navdewletî ya Pirtûkan a Silêmaniyê îsal cuda ye û navên cade û kolanan li ser navê kesayetî û nivîskarên kurd ên çar parçeyên Kurdistanê tên lidarxistin.Dikarin pirtûkên xwe bidin nasîn û bi îmzeya xwe pêşkêşî xwendevanan bikin.”

Tevî ku biryar bû şeşemîn pêşangeha pirtûkan di 20-11-2024 de bihata lidarxistin, lê ji ber proseya serjimêriya giştî ya rojên 20 û 21 vê mehê, biryar hat dayîn pêşangeh bo 28ê vê mehê were paşxistin û 11 rojan berdewam bike. 

PUKMEDIA