Parlamentoya Kurdistanê bernameya civîna xwe ya yekem eşkere dike

PUKMEDIA

Hindira Parlemana Kurdistanê

Îro şemiyê 30/11/2024, Parlamentoya Kurdistanê bernameya yekem civîna xwe ya şeşemîn dereya hilbijartinan eşkere kir, ku biryare demjimêr 11ê sibê roja duşema bê 2/12/2024 were lidarxistin.

Li gorî bernameya ku ji aliyê dîwana Parlamentoya Kurdistanê ve hatiye dayîn û ji aliyê PUKMEDÎ'yê ve hatiye wergirtin, rûniştin bi ayetek Qurana pîroz dest pê dike û piştre ji bo rêzgirtin ji giyanê pakê şehîdên Kurdistanê de xulekeke rêzgirtinê sekinîn.
Di rojevê karnameyê de hatiye: Serokê dîwana Parlamentoya Kurdistanê dê di rûniştina şeşemîn a hilbijartinên Parlamentoya Kurdistanê de namzedê herî mezin ji nav serketiyên Parlamentoya Kurdistanê vexwîne daku sûnda yasayî bixwe û piştre li gor bendê 11ê (11) Duyem û maddeya 12 (yekem) sîstema navxwe ya parlamentoyê” û tê gotin ku “Serokê rûniştina yekem bang li namzedên hilbijartî yên civîna şeşem a Parlamentoya Kurdistanê dike ku li gorî bendên 12’an sonda yasayî bixwin.

Roja 26.11.2024ê birêz Nêçîrvan Barzanî Serokê Herêma Kurdistanê bi mersûmeke herêmê derxist têde demjimêr 11ê sibê roja 02.12.2024ê wek roja lidarxistina yekemîn civîna şeşemîn civîna Parlamentoya Kurdistanê destnîşan kir.

Roja 20.10.2024ê, hilbijartinên şeşemîn rûniştina parlamentoya Kurdistanê li çar bazneyan birêve çû û encamên dawî jî di 30/10/2024an de hatin ragihandin ku Yekîtiya Niştimanî ya Kurdistanê li her çar bazneyan serkeftinên mezin bi dest xist. û hejmara deng û kursiyên wê zêde bû û 23 kursî bi dest xist.

PUKMEDIA