Talebanî: Divê hikûmeta dahatî bi dadperwerî xizmetê bike

Daxuyaniya Qubad Talebanî

Qubad Talebanî û Balyozê Rûsyayê li Iraqê

Cîgirê Serokwezîrê Herêma Kurdistanê Qubad Talebanî pêşwaziya Balyozê Rûsyayê li Iraqê Elbrus Kutraşêv kir.Li ser çend mijarên ku berjewendiya her du aliyane gotûbêjkirin.

Civîna îro duşemê (12.02.2024) li Hewlêrê bi amadebûna Cîgirê Berpirsê Fermangeha Pêwendiyên Derve ya Herêma Kurdistanê Daban Şadala û Konsulê Giştî yê Rûsyayê li Herêma Kurdistanê Maxim Robin hat lidarxistin.Her li ser hewlên pêkanîna kabîneya nû ya Hikûmeta Herêma Kurdistanê gotûbêj kirin.

Di vê çarçoveyê de, Qubad Talebanî amaje bi rûniştina yekem a vê civîna parlamentoyê kir û hêvî xwest ku piştî civîna yekem a parlamentoyê, aliyên siyasî hewlên xwe ji bo têgihiştin û rêkeftina li ser pêkanîna hikûmeta dahatî zêdetir bikin.

 Got jî: Herêma Kurdistanê di deh salên borî de di qonaxeke gelek dijwar re derbas bûye û divê hikûmeta dahatî bi awayekî bê avakirin ku bikare hêviyên hemwelatiyên Kurd pêkbîne û bi awayekî dadperwerane xizmeta gelê Kurd bike.

Li beşekî dinê vê hevdîtinê de pêşhatên dawî yên li navçeyê gotûbêj kirin û li ser rewşa Sûriyê û bandora wê li ser aramiya Iraq, Herêma Kurdistanê û navçeyê bi giştî hatin gotûbêjkirin. Her du alî hêvî xwest ku aliyên siyasî yên Iraq û Herêma Kurdistanê û her du Hikûmeta Federal û Herêma Kurdistanê bi awayekî ku aramiya Iraq û Kurdistanê biparêzin, tevbigerin.

PUKMEDIA