YNKê daxwaza dayîna mûçe ji Sûdanî dike

PUKMEDIA

Fraksiyona YNKê û serokwezîr Mihemed Şîa Sûdanî

Fraksiyona Yekîtiya Niştimanî ya Kurdistanê (YNK) li Parlamentoya Iraqê daxwaz ji serokwezîr Mihemed Şîa Sûdanî kir ku 3 mûçeyên Hikûmeta Herêma Kurdistanê bide.

Parlamenterê Fraksiyona YNKê li Parlamentoya Iraqê Karwan Yarwais ji malpera fermî ya YNKê re ragihandiye: “Îro Fraksiyona Yekîtiya Niştimanî ya Kurdistanê (YNK) li Parlamentoya Iraqê daxwaz ji serokwezîr Mihemed Şîe Sûdanî kir ku sedemên paşxistina mûçeyên Hikûmeta Herêma Kurdistanê eşkere bike.’’

Di vî warî de Dr. Biryar Reşîd  Parlamenterê Fraksiyona YNKê yê Parlamentoya Iraqê ji malpera fermî ya YNKê re gotiye, ku  ji aliyê din ve ji bo malpera fermî ya YNKê ye got:’Di civînê de Serokê Fraksiyona Yekîtiya Niştimanî ya Kurdistanê (YNK) Harem Kemal Axa daxwaz ji serokwezîrê Iraqê kir ku 3 mûçeyên karmendên Hikûmeta Herêma Kurdistanê bide.

Dadgeha Federal biryara şandina mûçeyên Hikûmeta Herêma Kurdistanê daye.

Îro 4-12-2024 bi amadebûna serokwezîr Mihemed Şîa Sûdanî li Parlamentoya Iraqê ji bo gotûbêjkirina rewşa Sûriyê û bandora wê li ser Iraqê û çend mijarên din civiya.

Roja 1-12-2024, Wezareta Darayî ya Hikûmeta Federal 761 milyar dînar bo mûçeyên Hikûmeta Herêma Kurdistanê razandine, lê ji ber kêmasiyê, heta niha Wezareta Darayî parvekirina  mûçeyên meha cotmehê red kiriye. 

PUKMEDIA