Ji ber nebûna mûçeyan li Silêmanî Xwepêşandanan dest pê kirin

PUKMEDIA

Xwepêşandan

Îro danê sibê (07-12-2024) an, ji ber paşdaketina mûçeyan; mamosta û beşek ji fermanberan li ber avahiya Perwerdeya Rojava bi merema xwepêşandan û nîşandana ne razîbûnan kom bûn û cade daxistin.

Li gor zanyariyên PUKMEDIA, mamosta û fermanberên xwepêşander daxwaz ji hikûmeta Herêma Kurdistan`ê û berpirsên wê kirin ku mûçeyên heyvên (10, 11 û 12) bi hevre dabeş bikin; û êdî mûçe neyên paşxistin.

Her waha mamostayên ne razî gotin: Kabîneya nehem kabîneyek têkçûyî ye û serokatiya wê kabînê karesat li herêma Kurdistan`ê dirust kiriye û jiyana kesan têk daye, ji ber wê jî em dê hemû tedbîran li hember wan bigirin û em pesend nakin.

Ev yek di demekê de ye ku; Wezareta Darayî ya Êraq`ê ev hefteyek e 763 Milyar Dînar radestî Hikûmeta Herêma Kurdistan`ê kiriye, lê bi behaneya kurtanîna mûçeyan heta niha hikûmetê lîsta mûçeyên meha Cotmehê eşkere nekiriye ku kêmasiya vê mehê jî 250 Milyar Dînar e.

Li gorî daxuyaniya Wezareta Darayî, dahata Herêma Kurdistan`ê ya ji derveyî neftê mehane 300 Milyar Dînar e û li gorî pêdaçûnên PUKMEDIA hikûmeta Herêma Kurdistan`ê dikare pişta xwe bi dahata navxwe ve bigire daku kêmasiya mûçeyan tijî bike;di demekê de ku; Endamê Parlemana Êraq`ê Soran Omer ji kenalên medyayê re ragihandibû ku Hikûmeta Herêma Kurdistan`ê dahata şeş mehan ji Êraq`ê re ne şandiye, ku digîhje zêdetirî 1 Trîlyon û 800 Milyar Dînar.

PUKMEDIA