Serok Bafil ji Luis Ayala re: Em ê rêya Serok Mam Celal bidomînin

Ofîsa Ragihandinê ya Serok Bafil

Serokê YNKê bi germî silava Sekreterê Giştî yê berê yê SI dike

Serokê Yekîtiya Niştimanî ya Kurdistanê (YNK) Bafil Celal Talebanî li Dabaşan a Silêmaniyê pêşwaziya Sekreterê Giştî yê berê yê Enternasyonala Sosyalîst Luis Ayala kir.

Di hevdîtinê de ku Berdevkê YNK'ê Saadî Ehmed Pîre û Berpirsê Fermangeha Pêwendiyên Derve ya YNK'ê Dara Xeylanî jî amade bûn, Serok Bafil bi pêzanîneke mezin serdana birêz Ayala wesf  kir.

Serokê YNKê destxweşî li hewlên berdewam û piştgiriya  berdewam ya birêz Ayala bo doza Kurd û YNKê kir. Got jî: YNK ti carî dost û hevalên xwe ji bîr nake, bi taybetî yên wek we, ku nêzîkî serok Mam Celal bûn û piştgiriya  mafên gelê Kurd bûn di  têkoşîna demokratîk a edalet û aştiyê de."

Ji aliyê xwe ve, birêz Ayala, siyasetmedarê navdar ê cîhanî, xweşhaliya xwe ji bo pêşwaziya germ nîşan da. Her wiha tekezî li ser giringiya rola Serok Mam Celal wek serkirdeyekî sereke û parêzerê mafên mirovan, aştî û jiyana hevbeş kir. Ayala wiha got: "Em di wê baweriyê de ne ku hûn ê li ser wê mîrateya geş bimeşin û têkoşîna demokrasî û wekheviyê bidomînin. Siyaseta heyî ya YNK'ê rasterast nîşaneya rêya Serok Mam Celal e."

Her du aliyan tekezî li ser pêwîstiya bizavên yekgirtî ji bo bihêzkirina sosyalîzma navdewletî û pêşxistina hizra jiyana hevbeş li Herêma Kurdistanê, Iraq û cîhanê kir.

PUKMEDIA