Serok Bafil: Şehîd Akam Kurdistan di dilê xwe de hilgirt

PUKMEDIA

Akam Omer Fermanderê Hêzên Komendo

 Serokê Yekîtiya Niştimanî ya Kurdistanê Bafil Celal Talebanî di duyemîn salvegera şehîdbûna fermandar Akam Omer de peyamek belav kir û têde ragihand: Şehîd Akam li dijî yek jî hêzên herî hov ên dîrokê rawestiya û parastina Kurdistanê û gelê wê kir. Wî Kurdistan di dilê xwe de hilgirt û di dawiyê de ji bo wê jî tevlî refên şehîdan û karwanê şehîdan bû.

Naveroka peyamê:

Em îro bi xemeke kûr û wefadariya herheyî salvegera şehîdbûna birayê xwe Fermandar Akam Omer ku sembola mêrxazî û lehengiya rêya azadî û edaletê ye bi bîr tînin.

Tişta ku şehîd Akam da xaka Kurdistanê ne hindik bû li hember yek ji hêzên herî hov ên dîrokê rawestiya û bi cesareteke bê wêne xaka Kurdistanê û gelê wê parast, wî Kurdistan di dilê xwe de hilgirtibû û tenê ji bo axa xwe serkeftin û aramî dixwest.

Piştî şehadeta Fermandar Akam Omer me soz da Hêzên Komando yên Kurdistanê ku berhema xebat û têkoşîna wî bû, ku bihêztir û mezintir bikin, me soza xwe bi cih anî û niha ew hêz ji her demê bihêztir e. ji her demê zêdetir amadeye rûbirûbûna dijminên Kurdistanê be, Hemû Pêşmerge bi rihê yekîtî û wêrekiya ku ji şehîd Akam fêr bûne, amadene xwîna xwe ji bo xatirê Kurdistanê bidin.
Silav li ruhê şehîd Akam û hemû şehîdên Kurdistanê be.. Serbilindî ji bo malbatên berxwedêr

Bafil Celal Talabanî
Serokê Yekîtiya Niştimanî ya Kurdistanê

PUKMEDIA