Parleman li benda lihevkirina aliyan e

PUKMEDIA

Parlemana Kurdistan`ê

Nêzîkî 15 roj in yekem civîna parlemana nû ya Kurdistan`ê bi serpereştiya namzedê herî temendirêj yê civînê hat lidarxistin; lê heya niha aliyên derveyî parlemanê li ser çawaniya pêkanîna kabîneya nû lihev nekirine; parlemanterekî berê yê parlemanê jî got: Ji aliyê yasayî ve çi pirsgirêk nîne ku parleman demeke dirêj ji bo bidawîkirina rûniştina yekem bigire.

Rewşa herêmê pêwîstî bi parleman û hikûmeteke bi bandor heye

Balambo Mihemed ; parlamenterê berê yê Parlemana Kurdistan`ê ji malpera fermî ya Yekîtiya Niştimaniya Kurdistanê (PUKMEDIA) re ragihand; eger parleman piştî civîna yekem demeke dirêj; ji bo dengdana li ser kabîneya nû bide çi pirsgirêkek yasayî dernakeve, erkê partiyan e ku dest bi danûstandinan bikin û di pêkanîna kabîneya nû de lez bikin; jiber ku rewşa deverê wusa dixwaze ku di demek zû de parleman û hikûmetek çalak ya herêma Kurdistan`ê bê avakirin.

Balambo Mihemed got: Li gorî encamên kursiyên ku partiyan di hilbijartinên 20`ê Cotmeh ya 2024 an de bi dest xistine, çi partiyek nikare bi tena serê xwe hikûmetê ava bike û çi partiyek jî xwediyê piraniya mutleq ya kursiyan e nîne, ev jî dihêle ku avakirina kabîneya nû ji ya berê dirêjtir bibe. Kabîne.

YNK û PDK bi tena serê xwe nikarin hikûmetê ava bikin

Balambo Mihemed; parlamenterê Parlemana Herêma Kurdistan`ê got: Hejmarek partiyên ku têra wan dengan nestandine, xwe ji hikûmetê ragihandine û bûne opozîsyon hevdem YNK û PDK`ê nikarin bi tena serê xwe hikûmetê ava bikin; ya ku maye her du partî bi hevre dikarin hikûmetê ava bikin; lewma divê Partiya Demokrata Kurdistan`ê ( PDK) têbigihê ku ew nikare mîna kabîneya berê hemû postên girîng yên hikûmetê pawan bike.

Her wiha got: Pêwîste Desteya Serokatiyan rêkeftinekê di navbera YNK û PDK`ê de encam bide; û eger niyetek baş hebe ji bo rêkeftinê pêwîste  her du alî pêngavan berbi yektir biavêjin ji bo çalakkirina hikûmet û parlemanê.

Serokê Hikûmeta Herêma Kurdistan`ê di sê rewşan de dikare parlemanê hilweşîne:

Yekem: Piştî fermana serokê herêmê ji bo rûniştina yekem ya gera nû, eger rûniştina yekem; eger piştî mehekê neyê lidarxistin, desthilata serokê herêmê heye ku wê gera parlemanê hilweşîne /Ev gera parlemanê ew rewş derbaz kiriye.

Duyem: Eger piraniya parlementeran (50+1) dest ji kar berdin, serokê herêmê dikare wê gera parlemanê hilweşîn.

Sêyem: Eger parleman di sê civînên cuda de deng li ser sê pêkhateyên cuda yên kabîneya nû nede, serokê herêmê dikare gera parlemanê hilweşîne; wate eger parleman dengê xwe nede bi sê serokwezîran û wezîrên cuda û kabîneya cuda, serokê herêmê dikare gera parlemanê hilweşîne.

Parlemana Kurdistan`ê ji 100 kursiyan pêk tê ku Yekîtiya Niştimanî ya Kurdistan`ê (YNK) 23 kursî, Partiya Demokrat ya Kurdistan`ê (PDK) 39 kursî, Newewî Nuwê 15 kursî, Yekgirtûya Îslamî 7 kursî, Komeleya Dadwerî 3 kursî, Tevgera Helwest 4 , Yekgirtûya Îslamî 7 kurdsî û Berya Gel 2 kursî,  û her yek ji Bizava Goran û Hevpeymaniya Kurdistan yek kursî bi dest xistine, hevdem 5 kursî jî ji bo pêkhateyan hatine dabeşkirin ku 3 kursî ji bi Mesîhiyan û 2 kursî jî ji bo Turkmenan e.

PUKMEDIA