Rêxistina Sosiyal Enternasyonal: Serok Mam Celal ji bo me pêşeng bû

PUKMEDIA

Sekreterê Giştî yê Rêxistina Sosiyal Enternasyonal

Bi mebesta amadekariyên konferansa bê ya Ciwanên Rêxistina Sosiyal Enternasyonala ku sala bê li Silêmaniyê tê lidarxistin, Sekreterê Giştî yê Rêxistina Sosiyal Enternasyonal û hejmarek ji nûnerên wê rêxistinê serdana mezara Serok Mam Celal kirin.

Serokê Rêxistina Ciwanên Azadiya Kurdistanê Herş Namiq ji medyayê re ragihand:’Îro şemiyê 14-12-2024, Sekreterê Giştî yê Rêxistina Sosiyal Enternasyonala serdana Rêxistina Ciwanên Azadî yên Kurdistanê kir û bi armanca amadekariyan bo lidarxistina konferansa bê ya Ciwanên Sosyal Enternasyonal û serdana mezara Serok Mam Celal kir.’’

Herş Namiq got: "Armanca serdana mezargeha Serok Mam Celal rola Serok Mam Celal bû di giringîdan û parastina mafên mirovan û mafên jinan de."

Di heman demê de, endamê şanda Sosyal Enternasyonal di civîneke çapemeniyê de got: “Wek rêzgirtin ji rola Serok Mam Celal ku ji bo me serkirde bû û di çaksazîkirina rewşa navçe û Iraqê û giringiya wê de rol lîst.Wî gelek bedel  daye  bo doza Kurd ûwiha  kiriye ku doza Kurd bala hemû cîhanê bikişîne. Me îro serdana mezargeha wî kir."

Di vê seredana meydanî de, şanda Sosyal Enternasyonal dê raportek berfireh li ser rewş û rêveberiya Herêma Kurdistanê amade bike û nêrîna Rêxistina Azadî ya Ciwanan derbarê mijarên civakî de pêşkêş bike, ji bo amadekariyên Konferansa Ciwanên Sosyal Enternasyonal ya ku sala bê li Silêmaniyê tê lidarxistin.

PUKMEDIA