Talebanî: Divê di Sûriyeya nû de mafên kurdan bên parastin

Daxuyaniya Qubad Talebanî

Talebanî û fermandarê hêzên hevpeymaniya navdewletî li Iraq û Sûriyê

Cîgirê Serokwezîr Qubad Talebanî li gel fermandarê hêzên hevpeymaniya navdewletî li Iraq û Sûriyê General Kevin Lehî civiya û got, divê mafên Kurd ware paraztin.

Di civînê de ku roja sêşemê (17.12.2024) li Hewlêrê birêve çû, pêşhatên dawî yên siyasî û emnî yên navçeyê bi taybet rewşa Sûriyê hatin gotûbêjkirin.

 Di vê derbarê de, Qubad Talebanî got, tevî hin nîşanên erênî ji Sûriyê, lê rewş bi giştî hestiyar e. Hêvî kir ku di Sûriyeya nû de mafên hemû civakan, bi taybetî yên Kurdan bên parastin.

Derbarê rewşa Rojavayê Kurdistanê de jî Cîgirê Serokwezîr got, pêwîste Kurd di vê rewşê de yekdeng bin û pêgeh û mafên wan di Sûriyeyeke yekgirtî û demokratîk de werin garantîkirin.Mijareke din a hevdîtinê jî metirsiya grûpên terorîstî bi taybetî DAIŞê li ser aramiya navçeyê bû û her du alî li ser wê yekê hevdeng bûn ku DAIŞê hîn metirsiyeke mezin e.

 Di vê çarçoveyê de, Qubad Talebanî spasiya hêzên hevpeymaniya navdewletî kir ku li operasyonên xwe yên li dijî terorîstên DAIŞê berdewam dikin.

Di beşeke din ya civînê de rewşa navxwe ya Herêma Kurdistanê û hewlên pêkanîna hikûmeta nû hate gotûbêjkirin. Di vê derbarê de civîna dawî ya şanda danûstandinan a YNK û PDKê bi erênî hate nirxandin û tekezî li ser pêngavên pratîkî bo pêkanîna hikûmeteke bibandor li ser esasê parastina berjewendiyên hemû welatiyên Herêma Kurdistanê kirin.

PUKMEDIA