Serok Bafil: Divê êdî mûçeyên herêmê nebin qurbaniyên nakokiyên siyasî

Ofîsa Serokê Bafil

Bafil Celal Talebanî û Fayeq Zêdan

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê ligel Serokê Encûmena Bilind a Dadweriya Iraqê Fayeq Zêdan civiya.

Di civînê de rewşa giştî ya Iraqê, maf û mûçeyên Herêma Kurdistanê û cîbicîkirina biryarên Dadgeha Federalî hatin gotûbêjkirin û tekez li ser dawî hatin û çareseriya dawî ya pirsgirêkan hat kirin.

Her wiha di civînê de tekezî li ser pabendbûna bi biryarên Dadgeha Federalî, serxwebûna dezgehên dadwerî û hemahengiya di navbera hemû saziyên yasayî de ji bo parastina aramî û mafên hemû netewe û civakên li welat û serkeftina bernameyên xizmetguzariyê hat kirin. 

Serok Bafil Celal Talebanî rola dezgeha dadwerî ya Iraqê bilind nirxand, ku hertim di çarçoveya destûrê de û di xizmeta mafên gel de biryaran dide, bi taybetî biryarên girêdayî mûçeyên fermanberên Herêma Kurdistanê. Her wiha daxwaz ji hikûmeta Herêma Kurdistanê kir ku hevkarî û piştgiriya cîbicîkirina biryaran bike û her kesî erkdar bike, daku karmendên Herêma Kurdistanê êdî nebin qurbaniyên nakokiyên siyasî û mafên wan bên parastin.

PUKMEDIA