Parêzgarê Kerkûkê: Emê bê cudahî xizmetguzariyê pêşkêşî hemû taxan bikin

PUKMEDIA

Rêbwar Taha, parêzgarê Kerkûkê

Parêzgarê Kerkûkê Rêbwar Taha dibêje:’’ Îdareya Kerkûkê ya hemû partî û pêkhateyan e û erkê hikûmetê ye ku xizmeta gel bike.Me bê cudahî projeyên xizmetguzariyê gihandiye piraniya taxên Kerkûkê û ji bo vê yekê jî hikûmeta Iraqê alîkariya me kiriye.’’

Parêzgarê Kerkûkê Rêbwar Taha di kongreyeke rojnamevanî de got: "Pêwîstiya me bi hikûmeta Iraqê heye ji bo birêvebirina karûbarên parêzgeha Kerkûkê û temamkirina projeyên parêzgehê piştgiriyekî darayî ya baş daye me û aliyên siyasî yên Iraqê jî hemû piştgiriya  xwe bo me nîşan dane."

Wî zêde kir:“Rêvebiriya Kerkûkê ya hemû partî û civakan e û di vê heyama kurt de me karî peywendiyên di navbera rêveberiya bajar û kolanan de ava bikin û em hewl didin van peywendiyan baştir bikin û erkê hikûmetê ye ku ji bo xizmetkirina xelkê kar bike. ‘’

Her wiha  got:“Sibe 24-12-2024 li Bexdayê li gel wezîrên pispor di karûbarên Kerkûkê de, ji bo çareserkirina pirsgirêkên elektrîkê ya Kerkûkê, fînansekirina projeyan û mijara nûkirina kelha Kerkûkê emê biaxivin.’’

Li ser kar, wî got: ‘’Parêzgar, encûmena parêzgeh û rêveberiya Kerkûkê dê biryarê li ser wergirtina 7000 kesan bidin ku diviyabû pêştir bihatana ragihandin, lê ji ber hin pirsgirêkên elektronîkî li ser malpera me, ragihandina wan dereng ket.’’

Parêzgarê Kerkûkê Rêbwar Taha got: Em ê rasterast û bê sansur navê karmendan ragihînin.Pêwîstiya xelkê bi xizmetguzarî û projeyan heye û niha bi alîkariya Wezareta Plandanan a Iraqê me karî bê cudahî projeyên xizmetguzariyê bigihînin piraniya taxên Kerkûkê, di heman demê de em rêzê li biryara dadgehê digirin û em pabendî her biryarekê ne.’’

PUKMEDIA