Wezareta Navxwe ya Iraqê: Asayişa Silêmaniyê hevkariya me ya sereke ye

PUKMEDIA

Hêzên Asayîşê

Wezareta Navxwe ya Iraqê destxweşî li hêzên ewlehiyê yên Silêmaniyê kir û tekez kir, ku ew hevpeyman û piştgirê sereke yê hêzên wan in.

Rêveberê Ragihandin û Pêwendiyan li Rêveberiya Giştî ya Karûbarên Narkotîkê li Wezareta Navxwe ya Federalî Husên El Temîmî hewl û xebatên Rêveberiya Giştî ya Kontrolkirina madeyên hişber li parêzgeha Silêmaniyê piştrast kir û destxweşî li hewlên rêveberiya dijî narkotîkê li Silêmaniyê kir û balkişand li ser hevkarî û hemahengiya bihêz di navbera rêveberiya wan û rêveberiya dijî narkotîkê ya Silêmaniyê de.

"Ev hevkarî di rêgirtina li ber belavbûna narkotîkê de bû, û bi hev re, em bi ser keft ku gumanbarên dozên bi madeyên hişber ve birin pêşberî dadweriyê," wî got.

Berpirsê payebilind ê Wezareta Navxwe diyar kir ku bi hevkarî û hemahengiya Rêveberiya Têkoşîna Dijî Narkotîkê ya Silêmaniyê bi sedan kîlogramên narkotîkê hatine desteserkirin û gelek çeteyên bazirganiya madeyên hişber hatine pûçkirin.

Temîmî eşkere kir ku hêzên wan li Silêmaniyê bi hevkariya hêzên asayîşê operasiyonek pêk anîne û di encamê de kargeheke madeyên hişber hatiye desteserkirin û bi sedan kîlogramên madeyên hişber jî hatine desteserkirin.

PUKMEDIA