Bagawazî ji bo nasîna statûya Rêveberiya Xweser a Bakur û Rojhilata Sûriyê

PUKMEDIA

Rojavayê Kurdistanê

Donald J. Trump Serokê hilbijartî yê wilayetên yekgirtî yên Amrîkayê;
António Guterres sekretrê giştî yê Neteweyên Yekgirtî;

Netewa Kurd kêm maye ku bibin 50 Miliyon kes û yekin ji neteweyên kevnar yên Mezobotamiyayê. Hûn dizanin ku ev netew sala 1923’an bi bêbextiyeke navnetewî û bi peymana Lozanê kirin çar beş. Ji wê demê heta niha wan çar dewletên ku ser Kurdan desthilatdarin hemû awayên zordariyê beramberî Kurdan kirine ku hinek ji wan heta qirkirinê jî pêşde çûne.

Ji wê demê heta niha welatên cîhanê nekarîn alîkariya Kurdan bikin ji bo rakirina wê zordariya beramberî wan. Hetta gelek caran bûne alîkarê sitemkar û zordar û serkûtkerên ser Kurdan jî. Gelê Kurd di gel wan tevan jî ji bo destxistina azadî û serbestiya xwe bi egîdî têkoşîya û dest jê ber neda û wê rêyê de gelek fedakarî jî kirin.
Encama wê xebata dûrûdirêj çê kirina hikûmeta herêmê li Başûrê Kurdistanê û ava kirina rêveberiya xweser li Rojavayê Kurdistanê bû piştî serhildanên gelên Sûriyeyê ji bo rizgar bûn ji zordariya çendîn sale ya rejîma Be’sî ya Sûriyeyê.

kurd di rûbirûbûn û têkoşîna dijî terorîzma cîhanî ku DAIŞ nêzîktirîn mînaka wê ye, Kurdan bi wêrekî şer kirin û yek ji karekterên serekî bûn di şikandina wan de bitaybet di Başûr û Rojavayê Kurdistanê de. Piştî hilweşîna rejîma Esed di Sûriyeyê de, Tirkiye û cihadîstên girpdayi Artêşa Netewî ya Sûriyeyê (ANS) demûdest êrişî navçeyên xweser yên Bakûr û Rojhilatê Sûriyeyê kirin û hewil dan ku plana xwe ya jenosîda dijî gelê Kurd cîbucî bikin. Armnca êrişên ser Rojavayê Kurdistan hemû Kurdin û hedefa wan nehiştina destketên hikûmeta herêma Kurdistanê ye jî di beşa Başûrê Kurdistana mezin de. Kurd bi mîrateya çandî û siyaset û pergala demokrasîyê û jiyana layik û nirxên azadiya jinan, nûnertiya qadeke cîhana modern dikin di Rojhilata Navîn de. Nehiştina netewa Kurd û nirxên demokratîk tê wateya nehiştina şaristaniya hevbeş ya azadî û demokradiyê ya cîhana hevbeşbya Rojhilatî û Rojavayi.

Di gel xebata Kurdan, berdewan kirina wan êrişan û niyeta pêkanîna jenosîda dijî hebûna fîzîkî û siyasî ya neyew û jinên Kurd li Rojava girêdayi wê yekê ye ka gelo dezgehên navnetewî û dewletên girîng bi fermî statûya îdarî ya xweser ya Bakûr û Rohilatê Sûriyeyê nas bikin an na?

Em jin û rêxistinên Kurd ku imzaya me jêrê de heye, daxwaz dikin ku îdareya xweser ya Bakûr û Rojhilatê Sûriyeyê bi fermî binasin û asayişa navnetewî misoger bikin. Em hêvîdarin ku bersiva daxwazên me bidin ji bo fermî nasîna pêgeh (statû)a gel û jinên Kurd weke pêkhateyeke wekhev û azad di proseya azadaniya Sûriyeyê de û bibin mînakeke dostaniya dilsozane.

Di gel rêz û silavên me

PUKMEDIA