Êraqê sala darayî girt û Herêm daxwaza temamkirina mûçeya meha 12 dike

PUKMEDIA

Darayiya Êraq

Îro Yekşemê, Wezareta Darayî ya Hikûmeta Herêma Kurdistanê dest bi dabeşkirina mûçeyên meha 11a 2024ê kir û ji bo dayîna mûçeyên meha 12 ji aliyê hikûmeta federalî ve çaverê ye.

Çarenivîsa mûçeyên meha 12 sala borî di navbera hikûmeta Herêma Kurdistanê û hikûmeta federal de ne diyar e, ji ber ku hikûmeta federal dibêje xista sala borî bi dawî hat û ti dahateke din ya darayî nemaye. û qanûna budceya federal destnîşan dike ku sala darayî di 31/12 /2024 de bi dawî dibe.

Wezareta Darayî ya Federalî zêdetirî 631 milyar dînar ji bo mûçeyên meha Mijdarê yên Herêma Kurdistanê şandibû, lê Hikûmeta Herêma Kurdistanê piştrast kir ku ev mûçe têra dayîna mûçe nake û pêwîstiya wê bi 996 milyar dînar heye ku mûçeyên mehekê bidin û li bendê ye ku mûçeyên mayî yên karmendan bê dayîn.

Mafê karmendan bişînin

Beriya bêhnvedana sersala nû, Wezareta Darayî ya Federalî biryar dabû ku zêdetirî 441 milyar terxan bike bo mûçeyên karmendan bo meha Kanûna yekem 2024ê, lê Hikûmeta Herêma Kurdistanê bi vê mûçeyê mûçeyên meha Mijdarê dide û kêmasiya mûçeyan tijî dike.

Di derbarê terxankirinên nû de agahî tunene

Parlamenterê Lêjneya Darayî ya Parlamentoyê Soran Omer ji PUKMEDIA'yê re ragihand: Ti agahî nînin ku ji bo dayîna mûçeyên meha dawîn a sala borî ji hikûmeta federal pereyên din werin şandin
Got jî: eger pere bigehe, ew dê bibe 441 milyar dînar ku hikûmeta federal bo mûçeyên meha Kanûnê terxan kiriye, lê hikûmeta herêma Kurdistanê bi vê mûçeyê kêmasîya mûçeyên meha Cotmehê pê tijî dike û bikar tîne, ku hikûmeta herêma Kurdistanê îddîa dike bi rêya dahatênne neftê vegirtiye.

PUKMEDIA