Ammar Hekîm serdana mezargeha Serok Mam Celal kir

Tayîbet

Ammar Hekîm li ser gora Serok Mam Celal

Serokê Tevgera Hîkme Semehatî Seyîd Ammar Hekîm li Dabaşana Silêmanî  serdana mezara Serok Mam Celal kir û got:’’ Em bi helwestên Serok Mam Celal serbilind in.’’

Semehatî Seyîd Ammar Hekîm di deftera mezargeha Serok  Mam Celal de wiha dinivîse: "Dema ku em serdana parêzgeha Silêmaniyê dikin, em berê xwe didin aramgeha  Mam Celal bi saxî yan jî mezargeha wî.Ev rêzgirtineke mezine ji bo rêberê niştimanî yê kurdî û  Iraqê ye, bîranîna pêgehên wî yên zindî di şerê li dijî dîktatoriyê û avakirina sîstemeke nû ya demokratîk, sembola yekitiya neteweyî ya mezin û em bi wî serbilind in."

Rêberê Tevgera Hîkme di bîranînê de wiha got:"Ev derfetek e ku em peywendiyên me yên dîrokî yên ligel wî û birayên Yekîtiya Niştimanî ya Kurdistanê bi bîr bînin."

Di vê navberê de Ammar Hekîm di serdana xwe ya li ser gora Serok Mam Celal de wiha got:"Me  berê serdana Serok Mam Celal dikir, dema ku ew sax bû, û niha jî piştî koça dawî ya wî serdana mezargeha wî dikin, ji bo ku em spasiyên xwe pêşkêşî rêberê neteweyî yê kurdên Iraqê bikin û pêgehên wî yên zindî di şerê li dijî dîktatoriyê û avakirina sîstemeke nû ya demokratîk de bi bîr bînin." 

Her wiha got:“Serok Mam Celal sembola yekrêziya niştimanî û kesayetiyeke mezin a niştimanî bû, ku em şanaziyê bi wê yekê dikin û ev serdan derfetek e ku em pêwendiyên dîrokî yên ligel wî û birayên YNKê bi bîr bînin.”

PUKMEDIA