Emar Hekîm: Divê nûner li ser biparêzgehbûna Helebce deng bidin

PUKMEDIA

Emar Hekîm li Helebce

Serokê Tevgera Hikmeta Niştimanî birêz Emar Hekîm bang li Civata Nûneran kir ku deng li ser yasaya biparêzgehbûna bajarê Helebce wek parêzgeha nû ya Êraqê bide.

Rêzdar Emar Hekîm îro Çarşemê serdana bajarê Helebceyê kir û di civîneke rojnamevaniyê de got: Me li ser giyanê şehîdên Helebce û hemû şehîdên Êraqê dua kir û di serdana xwe de tace gulan danî ser bîranîna şehîdên Helebce.

Got jî: Tawanên Helebce destdirêjî li ser mirovatî û tawanek e ku divê bê zanîn û naskirin, me xelkê Helebceyê bi taybetî jî nifşên nû berpirsyar dît, ji ber ku cîhan zêdetir hay ji Helebçeyê nîne Sûc wê demê rastî dorpêçeke medyayî hat û me rola hezkiriyê Êraqê birêz Ebdulezîz Elhekîm (Quds sira) bi bîr xist di danasîn û belgekirina vê tawanê û hemû tawanên rêjîma berê di nav dezgehên navdewletî de, heta niha jî tawana Helebce bi şêweyekî ku li gor mezinahiya wê be, nehatiye naskirin.

Amaje bi wê yekê jî kir ku pêwîstiya Helebce bi navendên tendirûstiyê, derûnî û jîngehparêziyê heye, me pesna geşepêdana bajarokan da û wek parêzgeheke Êraqî daxwaza dengdanê li ser wê kir, ku dê terxankirina wê zêde bike û derfetên sermayeguzariyê peyda bike. Ev yek ji bo malbatên şehîdan rûmeteke herî baş nîşan dide.

Wî got: Hebûna me li vê derê û serdana me bo vî bajarî, hevxemiya me ji bo şehîdan û hevxemiya me bi xelkê Helebce re jî peyama aştî û pêkvejiyana xelkê ye.
Got jî: Bêdadperwerî û zordarî taybetmendîyên rêjîma berê ne, û me daxwaz kir ku tawan di wijdanê mirovatiyê de zindî bimîne û ders jê derbikeve da ku tawanên wiha careke din dubare nebin. Me serkirdayetiya xwe ya tîmeke ku şehîdên tawanê yên wê demê li nexweşxaneyên Tehranê bi kişandina wêneyan û tomarkirina zanyariyên şehîdan belge kiribûn bi bîr anî.

PUKMEDIA