Serok Bafil: Derengxistina mûçe êdî nayê qebûlkirin

PUKMEDIA

Civîna serok Bafil Celal Talebanî

Bi beşdariya Serokê Yekîtiya Niştimanî ya Kurdistanê Bafil Celal Talebanî, Hevpeymaniya Rêveberiya Dewletê li Koşka Hikûmetê ya li Bexdayê civîna xwe ya asayî lidar xist.

Li gor zanyariyên berdest, di hevdîtinê de Serok Bafil Celal Talebanî bi awayekî eşkere û bi tundî behsa pirsgirêka karmendên Herêma Kurdistanê û derengketina debara jiyana welatiyan û mûçeyên darayî yên Herêmê kir û nêrînên xwe ji bo çareserkirina vê pirsê bi yekcarî pêşkêş kir. Di civînê de bi hemû eşkereyî ve amaje bi amadebûyan kir û got: Em dixwazin li ser pirsgirêkê gotûbêjeke zelal û cidî bikin, da ku bizanin sedema sereke çi ye, ji ber ku ji niha û pê ve nayê qebûl kirin ku mûçe û debara hevwelatiyan bi nakokiyên siyasî re were tevlihevkirin, ji ber ku li gor destûrê divê mafên karmendan li Herêma Kurdistanê jî wek hemû karmendên Êraqê bê parastin. Divê mûçe di heman demê de bi awayekî wekhev bên dabeşkirin û welatiyên me ji mûçeyên xwe bêpar nemînin.

Li gor zanyariyên berdest, Serok Bafil Celal Talebanî jî di wê hevdîtinê de got: Ji niha û pê de bi hincetên cuda yên siyasî paşxistina mûçeyên karmendan û destwerdan li ser debara jiyana hemwelatiyên me nayê qebûlkirin divê ev kêşe bi yekcarî bê çareserkirin û em bi hevwelatiyên xwe re rastgo bin.
Agahiyan amaje bi wê yekê jî kirin ku Serok Bafil ev peyam gihand nûnerên dewletan û serkirdeyên siyasî li Êraqê daku ev dosya nebe dosyayek siyasî û hevwelatî nebin qurbaniya wê yekê, û daxwaza pabendbûna bi biryara dedgeha federal kir da ku pirsa mûçeyan bi yekcarî were çareserkirin.


PUKMEDIA