Fraksiyona YNK`ê li dijî taponekirina xaniyên Kerkûk`ê radiweste

Kurdistan 11:54 AM - 2025-01-16

Parêzgeha Kerkûkê

Encûmena Wezîran a Federal di rûniştina xwe ya dawî de biryar da ku zeviyên niştecihbûnê yên şaredariyan li hemû parêzgehan bifroşin wan kesên ku li ser wan avahiyên niştecihbûnê ava kirine, ji bilî parêzgeha Kerkûkê.

Ev biryar ji aliyê Wezîrê Avadankirin û Niştecihbûnê ve hatiye dayîn, ku endamê Partiya Demokrata Kurdistanê ye û diviyabû li şûna bêparkirina welatiyên parêzgeha Kerkûkê ji vî mafî, bergiriya wan bikira.

Neheqiyek mezin li hember welatiyan

Endamê Encumena Parêzgeha Kerkûkê ya Yekîtiya Niştimanî ya Kurdistanê Dr.Ehmed Kerkûkî ji PUKMEDIA re ragihand: Biryara Wezîrê Avadankirin û Niştecihbûnê, neheqiyek li dijî xelkê Kerkûkê ye. Em di wê baweriyê de ne ku ev biryar ziyanê digihîne xelkê Kerkûkê û yên li pişt wê biryarê dixwazin ziyanê bigihînin parêzgeha Kerkûkê, ji ber ku taxên mezin li Kerkûkê hene ku piştî sala 2003ê hatine avakirin û pêwîste bên rêkxistin û mal bibn milkên xwediyên wê.
Got jî: Em di civata parêzgeha Kerkûkê de dê xwedî helwesteka yekgirtî bin û cîbicîkirina vê biryarê û dûrxistina parêzgarê Kerkûkê ji wê yekê qebûl nakin û em li benda hatina komîteyeke taybet bo Kerkûkê ne ji bo gotûbêjkirina hûrgilîyên vê biryara neheq.


PUKMEDIA