Komîteya Darayî beriya dengdanê gotûbêja li ser projeya sererastkirina bûdceyê didomîne

PUKMEDIA

Encumena Nûneran

Biryare îro Yekşemê 19/1/2025 encûmena nûnerênÊraqê duyemîn civîna xwe ya dewra nû ya yasayî lidar bixe û yek ji xalên bernameya kar a civînê dengdana li ser proje yasaya serrastkirina yekem ya yasaya bûdceya federalî ye. lê heta niha di lijneya darayî ya parlamentoyê de li ser nehatiye dengdan.

Di vê derbarê de Dr. Nermîn Marûf Endama Lêjneya Darayî ya Parlamentoyê ji PUKMEDIA re ragihand: “Duh şemiyê komîteya darayî li Encûmena Nûneran ji bo guftûgokirina reşnivîsa guhertina yasaya bûdceya federalî ya salên darayî (2023-2024-2025) civiya. û ew xala ku bi wê serrastkirinê ve girêdayî ye bi dubare hinartina petrola Herêma Kurdistanê ve ye.

Her weha Dr. Nermîn Marûf got: Di rûniştina îro ya civata nûneran de xala dengdana li ser pirojeya guhertinê xistin nav civînê, lê ji ber ku heta niha di komîteya darayî de deng li ser nehatiye dayîn, îro jî wê komîteyê bicive û gotûbêjên xwe berdewam bike vê mijarê û paşê jî di civîna Meclisa Nûneran de deng bidin.”
Duşema borî, xwendina duyem a serrastkirina yasaya bûdceya giştî ya federalî hat kirin û nirxê berhemanîn û veguhestina petrola Herêma Kurdistanê her bermîlek (16) dolar hat diyarkirin.
Duh şemiyê 18/1/2025ê Komîteya Darayî ya Parlamentoyê bi serpereştiya Atwan El-Etwanî Serokê Lêjneyê civînek li ser serrastkirina yasaya bûdceya sê salan a ku ji aliyê hikûmetê ve hatiye pêşniyarkirin gotûbêj kir.

PUKMEDIA