Dijî terorê bi beşdariya Hevpeymaniyêoperasyoneke stratejîk encam da

PUKMEDIA

Logoyên hêzên dijî terorê

Hêzên Dijî Terorê (CTG), Dezgeha Dijî Terorê ya Êraqê (ICTS), û Hêzên Hevbendiyê (CJTF OIR) operasyonek bi kalîte pêk anîn ku veşartgehên terorîstan wêran kirin.

Li gorî daxuyaniya Dezgeha Dijî Terorê ku wêneyek jê gihîştiye destê PUKMEDIAyê got: Operasyon di çarçoveya xebatên paqijkirina herêmê ji bermahiyên terorîstan de ji aliyê hêzên hevbeş ve bi awayekî serkeftî hat lidarxistin di bin çavdêriya Rêvebirê Giştî yê Hêzên Dijî Terorê (CTG) birêz Wehab Helebceyî.

Di daxuyaniyê de hat destnîşankirin ku "Operasyon bi hemahengiyeke bilind di navbera hêzên Dijî Terorê (CTG) û Dijî Terorê Êraqê (ICTS) û Hêzên Koalîsyona Navdewletî (CJTF OIR) pêk hat, di encamê de çend navend û veşartgehên terorîstan hatin dîtin.

Li gorî daxuyaniyê, vê operasyona hevbeş "derbeke giran li şiyanên terorîstan xist û bû sedema lawazbûna binesaziya lojîstîkî ya bermahiyên komên terorîst li herêmê.

Ev operasiyona han di çarçoveya hewlên berdewam bo parastina asayîş û aramiya deverê û parastina mal û canê welatiyan tê. Hêzên Dijî Terorê û hevkarên xwe yên herêmî û navdewletî tekezî li ser berdewamiya hewlên xwe bo jinavbirina terorê û rûbirûbûna her metirsiyek li ser ewlehiya herêmê dikin.

PUKMEDIA