PUKMEDIA wê sibe mûma salvegera 22 ‘an pêxe

Salvegera 22. PUKMEDIA

PUKMEDIA

Sibe 22-1-2025 malpera fermî ya Yekîtiya Niştimanî ya Kurdistanê (PUKMEDIA) 22 saliya xwe pîroz dike.Em wergirên xwe bi zimanên cihê, yên ku malpera me ji şopdarê xwe re dişîne, pîroz dikin.

PUKMEDIA yek ji wan malperan e ku di qonaxa nû ya ragihandina nû de di 22-1-2003 de dest bi destpêşxeriya xwe kir û bû çavkaniyeke girîng û pêbawer a ragihandinê, bi taybetî di pêvajoya azadkirina Iraqê de bi pêşengî despêkir û bi prensîb û nirxên rojnamegeriya pîşeyî ve girêdayî ye , li ser bûyeran bi herî rast, wêrek û pêbawer dixebite.

Ragihandina şaş, nexweşiyeke metirsîdar a rojnamevaniyê ye li navçe û cîhanê, lewra yek ji mijarên sereke yên konferansa îsal a Davosê, gotûbêjkirina metirsiya ragihandina şaş a medyayî û belavkirina nûçeyên derew e.

PUKMEDIA bi berpirsiyarî mijûlî mijarên medyayê yên ku bi nav û deng û dîroka Yekîtiya Niştimanî ya Kurdistanê (YNK) ve layîq in û di heman demê de rêzê ji xwendevanên xwe re digire.

PUKMEDIA di sala nû ya xebata xwe de, dê pabendî pirensîpên bilind ên rojnamevaniyê bibe û rê û resma xwe bidomîne û qada nûjen bike.Em spasiya hemû rojnamevanên ku di 21 salên derbasbûyî yên PUKMEDYA de bi sebir kar kirine û em spasiya hemû xwendevanên ku me ji xwe re kirine çavkaniya xwe, dikin.

Em spasiya hemû rêheval, dost û alîgirên YNKê dikin ku li ser serkeftina vê malperê bi xemin.Bi vê minasebetê, sibe Çarşemê 22-1-2025 saet 11:30ê sibê merasîma vekirinê û pêşwazîkirina mêvanan e.

PUKMEDIA