Encumena Wezîran betalkirina biryarên Dadgeha Sewra pesend kir

Wezîrê Dadê Xalid Şivanî

PUKMEDIA

Îro civata wezîrên Îraqê proje yasaya vegerandina mal û milkên Îraqê pesend kir, wezîrê dadê got: Proje yasa zirarê nade ti aliyek û kesên zirarê bibînin jî dê bên qerebû kirin.’’

Wezîrê Dadê yê Iraqê Xalid Şivanî îro di kongreyeke rojnamevanî de ragihand, Encûmena Wezîrên Iraqê bi yekdengî biryara hilweşandina Encûmena Serkirdayetiya Şoreşa Beisê pesend kir, ku girêdayî vegerandina milkên cotkaran e ku bi biryarên Beisê ve hatine dagîrkirin.

Xalid Şivanî got: "Ev proje qanûn hemû biryarên ku 9 biryarên ku ji sala 1976an ve destdirêjî li ser erdên çandiniyê yên Kurd û Tirkmenan kirine, vedihewîne.Ez spasiya serokwezîr û hemû endamên encûmena wezîran dikim ku bi yekdengî deng dane pêşnûmeya qanûnê.’’

Wî zêde kir:“Qanûna ku em zêdetirî 20 sal in li ser dixebitin, betalkirina  wan destkeftiyeke mezin e ku bi dehan sal e zilm li cotkarên Kurd kiriye.Qanûn dê beşeke mezin ji proseya erebkirinê ya ku di dema rejîma berê de hatibû kirin, betal bike."

Wezîrê Dadê Xalid Şivanî got:“Pêşnûmeya qanûnê bi vî rengî hatiye derxistin ku zirarê nade ti civakên li herêmên bi nakok û kesên ku ji vê qanûnê bandor bûne dê tazmînatê bidin.’’

PUKMEDIA