Peyama Serok Bafil li ser vegerandina milkên cotkaran

Serokê Yekîtiya Niştimanî ya Kurdistanê

PUKMEDIA

Serokê Yekîtiya Niştimanî ya Kurdistanê (YNK) bi helkefta vegerandina milkên cotyaran li navçeyên veqetandî  peyamek belav kir:"Em spasiya Serokwezîr û hemû parlementerên ku piştgirî dan vê biryarê dikin. Bi vê qanûnê dê bi hezaran donim erd ji xwediyên wan ên Kurd û Tirkmen ên ku bi salan e ji wan bêpar kirine, vegerînin.

Teksta peyama Serok Bafil

Ji bo yekrêzî û yekdengiya nûnerên Kurd ên li Bexdayê ji bo pesendkirina proje yasaya vegerandina zeviyên çandiniyê yên cotkarên Kurd û Tirkmen li civata nûnerên Iraqê de, ji dil spasiya xwe pêşkêş dikim.

Her wiha spasiya Serokatiya civata nûneran, hemû parlementer û fraksiyonan dikin ku di serkeftina bizavên me de û vegerandina mafan ji bo hemû kesên ku bi dehan salan mafên wan hatiye bêparkirin, piştevgiriya  me kirine.

Yasa dê çend biryarên rûxana rêjîma Beisê betal bike, ku piştî 50 salan ji erebkirinê, dê bi hezaran donim erd ji gelê kurd û tirkmen li Kerkûk, Xurmatû, Xaneqîn, Mendelî û Deşta Nînowa vegerînin. Ji bo me kurdan jî derfeteke girîng e ku di pêşerojê de bi hev re li hemû herêmên veqetandî mafên xizm û hemwelatiyên xwe biparêzin.

Bi vê wesîleyê spasiya nûnerên YNK'ê yên li Bexdayê dikim ku bi dilsozî û xweragiriya herî zêde karîn lihevkirineke neteweyî ji bo derbaskirina vê biryara dîrokî pêk bînin.

Di dawiyê de ez bang li hemû aliyan dikim ku bi ruhekî niştimanî û Kurdistanî bi hev re kar bikin ji bo bidawîkirina zilma rejîma berê ya li ser gelê me, yekrêziya me sembola hêza me ye û em bi hev re gavên mezintir bavêjin.

Bafil Celal Talabanî

Serokê Yekîtiya Niştimanî ya Kurdistanê

PUKMEDIA