Talebanî: Vegera mafan ji xwediyên wan re çiqas dereng be dê her were bidestxistin

Qubad Talebanî

PUKMEDIA

Cîgirê  Serokwezîr Qubad Talebanî ji bo gelê Kerkûk û navçeyên veqetandi peyamek şand:"Dibe ku vegerandina mafan ji xwediyên resen re dereng bibe, lê di dawiyê de dê her were bidestxistin.’’

Teksta peyama Qubad Talebanî.

Bi boneya pesendkirina proje yasaya betalkirina biryarên Encûmena Serkirdatiya Beisê ya hilweşiyayî, germtirîn pîrozbahiyên xwe pêşkêşî gelê Kurd û bi taybetî rûniştvanên Kerkûk û navçeyên Kurdistanî yên derveyî îdareya Herêma Kurdistanê dikim û spasiya fraksyonên Kurdistanî û hemû parlamenter û aliyên ku di pesendkirina vê yekê de rol lîstine di qanûnê de.’’

Pejirandina vê qanûnê encama hewldan, israr û hevkariya partiyên Kurdistanî ya bi salan e ji bo yekkirina edaletê. Ev serkeftin bi me hemûyan tîne bîra me ku divê nûnerên Kurd û aliyên Kurdistanî yên li Bexdayê hertim di mijarên netewî de yekdeng bin û bigihin armanc û daxwazên gelê Kurd.

Gelek daxwazên din ên destûrî yên gelê Kurd heta niha nehatine cîbicîkirin. Em hêvîdar in ku pêngava îro bibe destpêka qonaxeke nû û han bide hevkariya zêdetir a nûnerên Kurd ji bo cîbicîkirin û dabînkirina hemû mafên destûrî.

Her wiha pêwîst e hemû aliyên siyasî yên Iraqê ji pêkhateyên din bi bîr bixim ku her hewlek ji bo pêkanîna dadmendiyê û jinavbirina zulmê dê baweriya di navbera civakan de bihêztir bike û derî ji hevkariyên zêdetir bo aramî û geşepêdana Iraqê vedike.

PUKMEDIA