Fireksiyona YNK di xizmeta welatiyan û dabînkirina pêdiviyên wan de berdewam e

Kurdistan 11:51 AM - 2025-01-23

Encumena Nûneran

Di çarçoveya hewlên xwe yên ji bo xizmetkirina welatiyan û dabînkirina pêdiviyên wan, fireksiyona Yekîtiya Niştimanî ya Kurdistanê di civata nûneran de kar bo komkirina îmzeyan bo dengdana li ser proje yasaya avakirina parêzgeha Helebce û çêkirina bendavekê li devera Germiyanê dike.

Avakirina parêzgeha Helebce

Nûnera Yekîtiya Niştimanî ya Kurdistanê Çiro Heme Şerîf ji PUKMEDIA re ragihand: Me dest bi kampanya komkirina îmzeyan kiriye da ku xala dengdanê li ser proje yasaya avakirina parêzgeha Helebce bikeve rojeva civînên Encûmena Nûneran.
Wê got jî: Me îmzayên zêdetir ji 100 nûneran kom kirine û emê berdewam bin li ser wê yekê ku proje yasaya avakirina parêzgeha Helebce bikeve rojeva civînên Civata Nûneran dengdan li ser bê kirin.

Li Germiyan bendav bê avakirin

Parlamenterê Yekîtiya Niştimanî ya Kurdistanê Kerwan Yarwês ji PUKMEDIA re ragihand: Me bi Endezyar Ewn ziyab Wezîrê Çavkaniyên Avê yê Hikûmeta Federal re hevdîtin kir û daxwaznameyek pêşkêşî wî kir ku bendaveke stratejîk li nêzîkî navçeya Kelarê were çêkirin da ku xizmeta Herêma Kurdistan û Êraqê bike.

Got jî: Wezîrê Çavkaniyên Avê soz da me ku bi cidî li ser pirojeyê rawestin û yekser navenda lêkolîn û pilandananê ya wezaretê erkdar kir ku lêkolînek pêkanînê li ser pirojeyê amade bike û pêşkêşî wî bike, daku li ser îmkana cîbicîkirina vê bendava giring lêkolînê bike.

PUKMEDIA