Qubad Talebanî:Bi bê hevbeşiya YNK`ê hikûmetek çalak ava nabe

PUKMEDIA

Qubad Talabanî û Tobias Lindner

Cîgirê Serokwezîran Qubad Talebanî pêşwazî li Wezîrê Dewletê û Rêkxerê Taybet ê Wezareta Derve ya Almanya ji bo Karûbarên Sûriyê Tobias Lindner kir û her du aliyan di civînekê de çend pirsên girîng gotûbêjkirin.

Di civînê de ku roja Pêncşemê rêkefta (23.1.2025)an hat lidarxistin, Cîgirê Serokwezîrê Herêma Kurdistan`ê spasiya alîkariyên hikûmeta Almanya bo Herêma Kurdistan`ê kir û hêvî xwest ku di paşerojê de hevkariyên wî welatî ji bo Hikûmeta Herêma Kurdistan`ê di warên cuda de bi taybetî di warê çandiniyê de, pîşesazî û çaksazî zêdetir pêşdebirina hêzên Pêşmerge.

Di tewera sereke ya civînê jî hewlên pêkanîna kabîneya nû ya hikûmeta Herêma Kurdistan`ê bû, di vê derbarê de Qubad Talebanî eşkere kir ku civînên navbera aliyên siyasî bi taybetî di navbera YNK û PDKê de berdewam in û hêvî xwest di demeke nêz de hevdîtin bên encamdan.

Di vê çarçoveyê de, Qubad Talebanî got: YNK hewl dide hikûmeta bê li ser bingeha hevbeşiya rasteqîne bê pêkanîn, ji ber ku bêyî hevbeşiya rasteqîne hikûmetekek çalak, yekgirtî û bihêz ku bikaribe hêviyên gelê Kurd pêkbîne û pirsgirêkan çareser bike, pêk nayê ku pirsgirêkên sereke çareser bike.

Di beşeke din ya civînê de behsa çaksaziya hêzên Pêşmerge hate kirin, di wê derbarê de jî de Cîgirê Serokwezîran got: Ewê hemû hewlên xwe bidin ji bo ku bi alîkariya hevpeymanan proseya çaksaziyê weke ku hatiye plankirin were cîbicîkirin; herwiha tekez kir, ji bo ku prose bi lez û başî birêve biçe, pêwîste hikûmeta bê hikûmeteke yekgirtî û bihêz be û baweriya xwe bi hemû aliyên beşdar hebe.

Di tewrek din ya civînê de behsa rewşa Sûriyê û asayîş û aramiya navçeyê jî hat kirin, wan got ku Sûriye di rewşeke hestiyar re derbas dibe û hêvî kirin ku aliyên Sûrî bikarin nakokiyên xwe bi diyalogê çareser bikin.

Di vê çarçoveyê de tekezî li ser wê yekê hate kirin ku pêwîste hemû pêkhateyên Sûriyê bi taybet gelê Kurd weke pêkhateyek girîng beşdarî dariştina sîstema siyasî ya nû ya Sûriyê de bibin û bibin beşeke girîng di rêveberiyên Sûriyê ya nû de.

PUKMEDIA