Kes nikare li ser navê mamosteyên greva birçîbûnê biryarê bide

Arşîv

Mamoste û karmend di grevê de ne

Çalakgerên grevê yên Silêmaniyê red kirin ku bên dermankirin û gotin: “Çarenûsa me di destê me û gel de ye û tu kes nikare li ser navê me biryarê bide û daxwaza parvekirina  mûçeyên meha Kanûnê kirin.

Îro 7-2-2025, mamosta û karmendên bajarê Silêmaniyê di civîneke çapemeniyê de helwesteke nû nîşan dan û gotin:"Her çend ku Hikûmeta Herêma Kurdistanê rasterast di vê mijarê de cih digire, lê bêdeng e û berdevkê hikûmetê bi zimanekî neguncav peyama hikûmetê ya derbarê me de anî ziman û derket holê ku jiyana 13 welatiyan ji bo hikûmetê bêqîmet e."

Her wiha got: ‘’Hikûmeta Herêma Kurdistanê dest bi parvekirina  mûçeyên xanenişînan kiriye ku bi fermana hikûmeta Iraqê hatine zêdekirin.Em daxwazê ji Hikûmeta Herêma Kurdistanê dikin ku mûçeyên meha Kanûna sala borî parve bike û bêyî destkeftên berçav em grevê naşkînin.

Çalakgeran di dawiya peyama xwe de wiha gotin: “Em ê ji îro û pê ve greva xwe bidomînin û dermankirinê red bikin û kes nikare li ser navê me biryarê bide.’’

Roja 25-1-2025, 13 mamoste û karmend ku 3 ji wan jin in, li ber ofîsa Neteweyên Yekbûyî li Silêmaniyê dest bi greva birçîbûnê kirin.Wan biryar da ku heta daxwazên wan neyên bersivandin, ji wan mûçe û mafên darayî yên gel  Hikûmeta Herêma Kurdistanê, grevê neşkînin.

PUKMEDIA