Darayiya Êraqê: Sala borî 11 tirilyon bo Herêmê hatiye şandin

PUKMEDIA

Dînarên Êraqî

Wezareta Darayî ya Federalî ragihand ku qebareya dahatên bûdceya federalî di 11 mehên sala 21024an de zêdetirî 135 trîlyon dînar bûye, lê xerckirin jî zêdetirî 136 trîlyon dînar bûye ku zêdetirî 13 trîlyon dînar ji bo Herêma Kurdistanê bûye.

Duh Yekşemê 9/2/2025, Wezareta Darayî ya Federal xişteyên hesabên dewletê yên ji Kanûna duyem heta Tişrîna duyem 2024an belav kir, ku tê de diyar dibe ku dahata giştî ya 11 mehan bûye 135 trîlyon û 322 milyar û 716 milyon û 694 hezar û 603 dînar, ku 88% ji dahata petrolê ye û 12% ji dahatên ne petrolê ne.
Li ser xerciyan jî, li gorî xişteyan, tevahiya xerciyên dewletê di wê heyamê de 136 trîlyon û 431 milyar û 100 milyon û 288 hezar û 100 dînar bûye, ku 113.5 trilyon dînar bûdceya niha û 22.8 trilyon dînar jî bûdceya veberhênanê ye.

Bi vî awayî kêmasiya bûdceyê bi qasî 1.1 trîlyon dînar e
Derbarê pereyên ku di heyama 11 mehên sala borî de ji Herêma Kurdistanê re hatine şandin, Wezareta Darayî di xişteyên xwe de eşkere kiriye, ku 13 trîlyon û 112 milyar û 934 milyon û 415 hezar û 515 dînar ji Herêma Kurdistanê re hatiye şandin, ku ji wan nêzîkî 11.5 trilyon dînar ji bo mûçe û yên mayî jî ji bo xizmetguzarî û pere û çekkirin û lêçûnên sermayeyê hatine şandin.

Ev yek di demekê de ye ku Wezareta Darayî ya Herêma Kurdistanê di 14/1/2025ê de di daxuyaniyekê de ragihandiye, ku Wezareta Darayî ya Federalî hesabê Wezareta Darayî û Aborî li herêmê temwîl kiriye, li gorî hesabê bankê yê wezaretê li Banka Navendî ya Êraqê, şaxê Herêmê/Hewlêrê, bi (10,026,883,844,549) dînar piştî dûrxistina (726,995,775, 414) dînar wek alîkarî ji bo dabirna xanenîşîniyê û baca hatinê, her wiha mîqdara ku ji herêmê re hatiye terxankirin li gorî xişteya (H) ya di budceya federal a sala 2024an de (11,576,521,335,000) dînare ji ya terxankirin kêmtir bi ( 822,642,015,0370).

PUKMEDIA