Banga Serokatiyê ya ji bo çareserkirina kirîza mûçe ji hesta berpirsyariya neteweyî hat

Mediya Serokomar

Birêz Hewrî Tewfîq

Birêz Hewrî Tewfîq Rêvebirê Giştî yê Serokayetiya Komarê daxuyaniyeke çapemeniyê da, ku teksta wê jî wiha ye:

Bi navê Xwedayê Mezin  û Dilovan

Em dixwazin ji gelê xwe yê hêja yê Iraqê re nîşan bidin ku welatê me di qonaxeke girîng re derbas dibe û divê her kes li hember mijarên girîng yekrêziya niştimanî û berpirsiyariya bilind hebe.

Cenabê Serokomar wekî parêzvanê Destûra Bingehîn û sembola yekitiya neteweyî, ji her kesî dûrî wekhev e.

Gelê me yê Îraqî bi dehsalan xwîna pak û qurbanîyên mezin pêşkêş kirine da ku bigihin sîstemeke demokratîk ya parlemanî ya federal ku tê de bi rûmet û jiyaneke rehet be.

Her kes dizane ku yasaya bûdceya federal a sê salan ku di sala 2023an de hatiye pesendkirin, nexşerêyek e ji bo parvekirina samanên Iraqê di navbera xelkê wê de û li gorî wê, maf û erk li ser hikûmeta federal û hikûmeta herêmê tê ferzkirin.
Wiha; Em dixwazin bi zelalî û kurtî van tiştan bibêjin:

1. Serokayetiya Komarê piştgirê sereke yê hikûmeta federal û hikûmeta herêmê ye ji bo dîtina çareseriyên guncaw li gor yasayên di meriyetê de û di bin sîwana destûrê de.
2. Serokê Komarê ne dijberê ti desthilateke destûrî ye li welat û doza ku ji aliyê Serokatiya Komarê ve li pêş Dadgeha Federalî vekiribû ji bo çareserkirina kirîza mûçeyên karmendên Herêma Kurdistanê ji ber hesta berpirsyariya niştimanî li hember êş û azarên beşeke mezin ji xelkê Iraqê bû sedema rûniştinên girseyî û gireva birçîbûnê ya komek ji mamoste û mamosteyên jin û mamosteyên karmendên Herêma Kurdistanê yên ji kar dûr ketine. Armanca vê dozê dîtina çareseriyeke guncaw û destûrî di navbera hikûmeta federal û hikûmeta herêmê de ye, di heman demê de pêzanînên xwe ji bo hemû hewlên serokwezîr ligel hikûmeta herêmê ji bo dîtina çareseriyekê ji pirsgirêkên darayî re kiriye, û tekezî li ser giringiya pabendbûna hikûmeta herêmê bo cîbicîkirina xalên serrastkirina yasaya bûdceya federalî û radestkirina dahatên petrolê û neftê bo hikûmeta federalî dike.

3. Serokomar bi cîbicîkirina erkên xwe û şopandina rewşa jiyana welatiyan û bi serdanên xwe yên meydanî bo parêzgehên me yên hêja (Besra, Nînowa, Hewlêr, Necef, Wasit, Mucenne, Enbar) hertim dilgiran e li ser mafên gelê me bi hemû pêkhateyên xwe ve, guh dide deng û daxwazên wan.

Di dawiyê de jî Serokayetiya Komarê saziyeke destûrî ye ku armanca wê parastina sîstema destûrî, parastina mafên hemû gelan bê cudahî û piştgiriys  hemû desthilatan e û tekez kir ku her ku dengê gelê me yekgirtî be, welatê me dê geştir û geştir be.

PUKMEDIA