Şêx Cefer: Me gavên baş di piroseya yekxistina hêzên Pêşmerge de avêtine

Kurdistan 10:30 AM - 2025-02-12

Şêx Cafer Şêx Mistefa cîgirê serokê Hikûmetê

Cîgirê Serokê Herêma Kurdistanê Şêx Cefer Şêx Mistefa tekez li ser pêwîstiya yekxistina hêzên Pêşmerge û rakirina hemû astengên ku rê li ber vê proseyê digirin, kir.

Şêx Cefer Şêx Mistefa di hevpeyvînekê de ligel rojnameya Kurdistanê Niwê de got: Li Herêma Kurdistanê pêwîstiya me bi hêzeke yekgirtî ya Pêşmerge heye ku bikaribin parastina destkeftan bikin û rûbirûyê metirsiyên derve yên li ser Herêma Kurdistanê bibin, pêdiviya me bi hêzeke niştimanî heye ku ji bo cîbicîkirina yasa ş agahiyan di amadebaşiyê de be.

Got jî: Nabe hêzên din ên çekdar li derveyî yasayan hebin, Divê hêzên yekgirtî yên Pêşmerge di bin fermana Wezareta Pêşmerge de bin. Ev çend sal in hewlên cidî bo yekxistina hêzên Pêşmerge hene û me karî 14 lîwayên hêzên Pêşmerge di bin sîwana Wezareta Pêşmerge de bikin yek û ev yek jî bi alîkarî û piştevaniya hêzên hevpeymaniya navdewletî hat.

Cîgirê Serokê Herêma Kurdistanê diyar kir: Raste piroseya yekgirtina hêzên Pêşmerge hêdî hêdî ber bi rê ve diçe û pirsgirêk û astengî li pêşiya wê proseyê hene, lê belê di van demên dawî de çendîn tîmên hêzên Pêşmerge li ser wê yekê hatine birêxistinkirin û di demeke nêzîk de ji wan navçeyan re serkideyên bêne damezrandin ku ev tîm wê serpereştiyê bikin,fermandariya yekem wê li Hewlêrê be û fermandeya duyem jî dê li Silêmanî, Helebce û Germiyanê be.

Peywendiyên di navbera Wezareta Pêşmerge û Wezareta Berevaniyê de

Cîgirê Serokê Herêma Kurdistanê dibêje: Pêwendiyên baş di navbera Wezareta Pêşmerge û Wezareta Berevaniyê de hene û li vir jî dixwazim amaje bi wê yekê bikim ku hêzên Pêşmerge beşeke ji sîstema berevaniya Êraqê ye.

Got jî: pêngavên baş bo pêkînana lîwayên hevpar hatine avêtin û niha di proseya cîbicîkirina erkên ku hatine destnîşan kirin û valahîyên emnî yên di navbera hêzên pêşmerge û artêşê de dapoşe.

Avakirina hikûmetê

Şêx Cefer Şêx Mistefa dibêje: Gotûbêjên pêkanîna hikûmeta nû berdewam in û îradeyek baş di vê derbarê de heye, komîteyên teknîkî yên hevbeş karên xwe temam kirine û biryare di demek nêzîk de komîteyên danûstandinan bicivin û li ser mijara pêkanîna hikûmetê gotûbêjan bikin û em hêvîdar in ku aliyên siyasî bigihin encamên baş.

Got jî: hikûmeta nû divê kar ji bo çareser kirina kêşeyan bike, ya herî girîng jî kêşeya mûçeyan û pêşdebirina piroseya avadankirinê û xizmetguzarî û giringî bi jîyan û debara hevwelatîyan bide.

PUKMEDIA