Daxwaza çareserkirina pirsgirêkên cotkarên Kurd ên li herêmên nakok dikin

Kurdsat News

Artêşa Iraqê nahêle cotkarên kurd zeviyên xwe biçînin

Endamekî Encumena Parêzgeha Kerkûkê ragihand, artêşa Iraqê nahêle cotkarên kurd zeviyên xwe biçînin. “Heta biryara betalkirina biryarên Serkirdeya Baas berê bigihêje artêşê, divê pirsgirêk çareser bibe.’’

Endamê Encûmena Parêzgeha Kerkûkê Ehmed Kerkûkî ji malpera fermî ya Yekîtiya Niştimanî ya Kurdistanê (PUKMEDIA) re ragihand: "Tevî ku parlamento û serokomarê Iraqê vegerandina milkan bo xwediyên wan ên resen û betalkirina biryara Encûmena Serkirdatiya Şoreşê pesend kirine, lê astengiyên li pêşiya cotkarên Kurd li navçeyên nakok berdewam in."

Her wiha got: “Xuyaye heta niha artêşa Iraqê ew biryara ku ji aliyê Civata Nûneran ve hatiye pesendkirin, wernegirtiye, lê erkê hikûmeta xwecihî ya Kerkûkê ye ku çareyekê ji pirsgirêkan re bibîne heta ku biryar bigihe artêşê.’’Ehmed Kerkûkî dibêje.

Îro danê sibê 17-2-2025, hejmarek zêde ji kolberên Kurd li navçeya Sergeran ya Dubzê, bi mebesta kolandina zeviyên xwe yên çandiniyê, ji aliyê artêşa Iraqê ve hatin astengkirin, cotkar kolandina zeviyên xwe weke mafê xwe dibînin û daxwaz ji hikûmetê dikin ku pirsgirêkan çareser bike.

Di 21-1-2025an de, Parlamentoya Iraqê biryara betalkirina biryarên encûmena serkirdayetiya şoreşa rêjîma Baasê da, ku ji bo kurdan gelekî girîng e û bi hezaran donim erdên dagîrkirî li navçeyên nakok, dê ji xwediyên wan re bên vegerandin. Serokomarê Iraqê Letîf Cemal Reşîd efûya giştî û vegerandina milkan ji xwediyên wan re pejirand.

PUKMEDIA