Parêzgarê Kerkûkê: Leşkerên ku êrişî cotkarên kurd kiribûn hatin girtin

PUKMEDIA

Parêzgarê Kerkûkê Rêbwar Taha Mistefa

Parêzgarê Kerkûkê dibêje:“Em cotkaran piştrast dikin ku em li gel çareserkirina pirsgirêkên wan in û me arasteyî aliyên peywendîdar kir ku hêzên leşkerî ji sînor vekişînin.Leşkerên ku êrîşî cotkarên Kurd kirin, hatin girtin û komîteyek lêkolînê hate avakirin.

Parêzgarê Kerkûkê Rêbwar Taha Mistefa derbarê pirsa zeviyên cotkaran de daxuyaniyek da û got: “Pirsgirêka zeviyên cotkaran pirsgirêkek kûr û demdirêj e, ji dema ku me dest bi kar kiriye, me hewlên cidî dane.’’
“Me nameyeke fermî ji serokwezîrtiyê re şand da ku zeviyên ku biryara dadgehê nîne ji hev cuda bikin da ku cotkar karê xwe yê çandiniyê bikin û ji bo çareserkirina pirsgirêkê hemû gav hatin avêtin.’’Got

Ew lê zêde dike:“Ji aliyeke din ve parlementoya Îraqê deng li ser betalkirina biryarên civata serkirdayetiya Baas dabû  û bû biryar û em li benda cîhbicîh kirina rênmayên hikûmeta navendî ne, lewra niha em  hemû cotkarên Sergaranê piştrast dikin ku em li gel çareserkirina pirsgirêkên wan in, lê derfetê bidin me ku em bi rêya saziyên yasayî û fermî vê armancê pêk bînin."

Her wiha got:“Ji bo çareserkirina pirsgirêka axê, du hefte berê me biryar da ku ji bo hemû zeviyên çandiniyê yên Topzawa, Yaiçî û Turkalan ên ku 7 sal in pirsgirêk hebûn, peyman îmze bikin, ji ber vê yekê me ji bo çareserkirina pirsgirêkan li Sergaranê gav avêtin.’’
Ew lê zêde dike:“Ew leşkerên ku îro li gundê Şenaxa êrişî kolberên Kurd kiribûn, hatin girtin û komîteyek lêkolînê jî hat avakirin û me arasteyî aliyên pêwendîdar kir ku hêzên leşkerî ji sînor vekişînin.”

Rêbwar Taha wiha pê de çû: “Piştî pêwendiya me û agahdarkirina serokwezîr, biryar da ku komîteyek bi serokatiya cîgirê wezîrê dadweriyê ji bo nirxandina rewşê bişîne, sibe emê civîneke taybet li gel wan li avahiya parêzgariyê bikin.Em careke din tekez dikin ku aramî û berxwedana cotkarên Sergaranê di berjewendiya çareserkirina pirsgirêkê de ye.”

PUKMEDIA