Şanda Îmralî:Rola Serok Mam Celal ji bo aştiyê gelekî girîng bû

PUKMEDIA

Serdana şanda Îmralî bo gora Serok Mam Celal

Şanda Îmraliyê ya bi serokatiya Xanim Perwîn Bûldan û Sirî Sureya Onder de serdana gora Serok Mam Celal kir û qefta kulîlkan ya rêz û dilsoziyê danîn ser gora wî û piştre Keskîn Bayîndir got: Rola Serok Mam Celal di bi serxistina Pêvajoya Aştiyê de li Turkiye girîng bû, her weha em spasiya Serokê YNK’ê ya ji bo piştgiriya wî ji bo pêvajoya aştiyê dikeçin.

Piştre di kongreyeke rojnamevaniyê de Keskîn Bayîndir, endamê şanda Îmralî got: Em rêzê li rola Serok Mam Celal di pêvajoya aştiyê ya Turkiyê de digirin û îro jî Bafil Celal Talebanî û Qubad Talebanî ku şûngirên wî ne, roleke girîng di aramî û proseya aştiyê de li Bakurê Kurdistan`ê lîstine.

Her weha got: Em gelekî sipasiya YNK’ê dikin, bi taybetî Serok Bafil û Qubad Talebanî û Xanim Şanaz, piştgiriya wan ya ji bo pêvajoya aştiyê gelekî girîng e û em dikarin bêjin ku îro ev rojeke girîng e ji bo Kurdan ku ew bi hevre piştgirîya aştiyê dikin û em dîsa helwesta Xanim Şanaz a ji bo azadiya jinê bilind dinirxînin.

Bayînndir di kongreyê got: Li ser daxwaza rêberê girtî yê Îmraliyê, me serdana Başûrê Kurdistan`ê kiriye û me digel Yekîtiya Nîştimanî ya Kurdistan`ê (YNK) û aliyên din hevdîtin pêk anîne, her wiha em lêborîna xwe ji aliyên din yên siyasî dixwazin ku me nekarî serdana wan bikin û bi wan re jî hevdîtinan bikin, lê li vir em silavên rêberê girtî yê Îmraliyê digihînin wan.

Wî endamê Îmralî tekez kir ku digel wê yekê ku sardana me ji bo Başûrê Kurdistan`ê serkeftî bû, sibe digel vegera me ya Turkiye emê encamên civînên digel aliyên Başûrê Kurdistan`ê aşkere bikin, her wiha em dubare rola Serok Mam Celal û Yekîtiya Niştimaniya Kurdistanê di pêvajoya aştiyê de li Turkiyê bilind dinirxînin.

PUKMEDIA