Di salvegera Enfalê de...Sûcê Serdemê li dijî gelê Kurdistanê

Kurdistan 10:23 AM - 2025-02-23

Enfal

Îro 23/2/2025 salvegera (37) ya destpêkirina qonaxa yekem a tawanên jînosayd û dijî mirovatiyê, dijî sivîlên bêguneh ên gelê Kurdistanê di bin navê operasyonên Enfalê de ye, ku ji aliyê dewlet û hikûmeta Êraqê di sala 1988an de pêk hat, bi dorpêçkirina navçeya Sergelu û Wadî Caveyatî ku navendên Yekîtiya Niştimanî ya Kurdistanê lê bûn.

Operasyonên Enfalê ji aliyê rêjîma dîktator a Sedam Husên ve li dijî gelê Kurd di 23’ê Sibata 1988’an de dest pê kirin û heta 6’ê Îlona heman salê berdewam bûn. Ew yek ji metirsîdartirîn rûpelên kuştina komî ya hikûmetê di dîroka desthilatdariya Beiê de li Êraqê ji heşt qonaxên leşkerî pêk tê ku artêş û hêzên nîzamî rasterast tê de beşdar bûn, ji wan (Feyleqa yekem ku navenda wê li Kerkûkê bû, Feyleqa pêncem ku navenda wê li Hewlêrê bû), hêzên asmanî, hêzên taybet, pasdarên komarê, hêzên komando, dezgehên ewlekarî û îstixbaratî, îstixbarata leşkerî û zêrevanî, beşên çekên Kîmyawî û Biyolojîk û rêveberiyên xizmetguzarê di xizmet wan oparesyonan de bûn.

Qonaxên kampînên Enfalê

* Enfala yekem: Navçeya Silêmaniyê, ji 23ê Sibata 1988ê heta 19ê Adara 1988ê, herêma (Sergelu) û Deşta Ceveyatî ku baregehên serkirdatiya Yekîtiya Niştimanî ya Kurdistanê tê de bûn, dorpêç kir.

* Enfala Duyem: Ji 22ê Adarê heta 1ê Nîsanê navçeyên Qerdex, Baziyan û Derbendîxanê di nav xwe de digirt.

* Enfala Sêyemîn: Navçeya Germiyan, Keler, Bawanûr, Kifrî, Dûz, Senkaw, Qadir Kerem di 20ê nîsana heman salê de.

* Enfala çarem: Li sînorên deşta (Zabê Biçûk) ango herêma Koyê, Teq Teq, Axcelar û Newşiwan, ji 3ê Gulanê heta 8ê Gulanê, ku li wir bi bombekirina gundên Asker û Gubteba û devera Çemê Rêzan bi çekên kîmyayî dest pê kir.

* Enfala pêncem, şeşem û heftem: derdora Şeqlawe û Rewandûz ji 15ê Gulanê heta 26ê Tebaxê.

*Enfala heştem: qonaxa dawî, herêmên Badînan, Amêdî, Akrê, Zaxo, Şêxan, Duhokê, ji 25ê Tebaxê heta 6ê Îlona heman salê.

PUKMEDIA