Serok Bafil: YNK di dûrxistina jiyana xelkê ji nekokiyan de serketî bû

Nivîsgeha rojnamevanî yê serokê YNK

Serok Bafila Talebanî û serokkomar D.Latîf Reşîd

Bafil Celal Talebanî serokê Yekîtiya Niştimanî ya Kurdistanê li Debaşan pêşwazî li D.Ebdullatîf Cemal Reşîd serok komarê Êraqê kir.

Di hevdîtinê de rewşa giştî ya welat hate nirxandin û tekezî li ser wê yekê hat kirin ku ji bo derbaskirina pirsgirêkan û bilindkirina asta xizmetguzariyê ji bo welatiyan, diyaloga avaker di navbera hemû aliyan de berdewam be.

Di derbarê pirsgirêkên di navbera Herêma Kurdistanê û Êraqê de, her du alî baldariya xwe ji bo çareserkirina pirsgirêkan li gorî prensîbên destûrî û têgihîştina hevbeş nîşan dan, di vê derbarê de Serok Bafil Celal Talebanî rol û hewlên cenabê Serok Komar ji bo komkirina aliyên cuda û gihandina çareseriyeke niştimanî ku xizmeta aramiya welat bike bilind nirxand û got: Yekîtiya Niştimanî ya Kurdistanê bi hemû hêza xwe hewl dide rewşa jiyana welatiyên Herêmê baştir bike û wan ji nekokiyên siyasî dûr bixe û ya baş ewe ku em di vê xebatê de serkeftî bûn.

Herweha herdu alî bi berfirehî behsa pirsgirêkên navçeyê û pêşhatên Rojhilata Navîn kirin û D.Ebdulatîf Reşîd got: Êraq piştevaniya her hewl û destpêşxeriyekê dike ku ji bo çareseriya aştiyane be û bibe sedema pêkhatina ewlehiyê û dûrxistina navçeyê ji şer û aloziyan.

PUKMEDIA